Mizoram-a tlawmngai pawl hrang hrang ten Refugee Camp-a vote thlak duhlohna lantir tum

Mizoram-a tlawmngai pawl hrang hrang- Central YMA, MUP, MHIP, MZP, MSU leh MIMA te chuan nimin khan Central YMA Committee Room-ah Joint Meeting neiin Tuikuk raltlan te an awmna hmuna vote thlak tir an duhlohna lantir nise an ti.
Mizoram-a tlawmngai pawl hrang hrang-Central YMA, MUP, MHIP, MZP, MSU leh MIMA te hian \hutkhawm an neih \hin angin nimin khan \hutkhawm hi Central YMA Committee Room-ah neiin hetah hian Tuikuk raltlan an awmna hmun (Tripura) vote an thlak \hin chu \ha an tihloh thu sawi nawn lehin, MP Election hma ngeiin a duh lohna Protest Day hman nise an ti a, a hun atan 24th March 2014 chu ruatin Aizawl khawpui ah Protest Day hi hman nise an ti a. Pawl tin te hian hemi chungchang hi anmahni pawl ah \heuh sawihoin an ngaihdan te tun thla ni 17 khian Secretary \heuh ten sawiho leh se an ti bawk.
    Hei bakah hian AMC Licensing Regulation 2012 chu  Sorkar-in March 2014 ral hma ngeiin hnukkir tura ngen nise, an hnuk kir lo a nih chuan tun aia chak zawka hmalakho nise an ti a. Mizoram Gorkhali OBC Status pek tum chungchang chu \ha an tihloh thu sawi nawn bawkin, hemi kawngah theihtawp chhuah zel nise, Sorkar-ah OBC Status pek kan duh lohna thlen nise tiin, Mizoram Gorkha Youth Association (MGYA) hnen ah hemi kawnga an hmalakna \ha an tihloh thu ziaka thlen nise an ti bawk. Nimin a \hutkhawmna ah hian heng Pawl aiawh te hi an tel \ha hle a ni.

Popular News

Mizoram-ah Faina Hapta hman \an leh a ni

Retailer bukna diklo 3 man