Mizoram Legislative Assembly Session \an a ni. Thla 4 chhunga sorkar sum hman tur pharh a ni.

Nithum awh tur Mizoram Legislative Assembly 7-na \hutkhawm vawihnihna chu nimin (18th March, 2014) khan neih \an a ni a, Session \an Ni hian Larsap chuan House-ah thuchah sawiin, kum 2013-14 a sorkar sum indaihlohna phuhrukna tur leh sorkar kum thar thla 4 chhunga sorkar sum hman tur pharh a ni.
Nimin a Session \an Ni ah hian Larsap, Pu Vakom B. Purushothaman chuan thu sawi nghalin, Sorkar hmalak mekna leh hmachhawp chi hrang hrangte a sawilang a, a thusawi hmasa lamah tunhnaia 68th National Football Championship for Santosh Trophy-a Champion, Mizoram Team te chu thinlung taka a lawmpui thu sawi hmasain, Mizo \halaite chuan infiamna chi hrang hrangte chu an pianpui nia a hriat thu sawiin, rampum huapin Mizo hming an ti thangmawi a ni, a ti a, khawvel huap inelna ah pawh Mizo \halaite chuan hming an chher thei tih hriaa infiamna lama Sorkar hmalakna chu \awiawm tlat turin mipuite a sawm a ni. Larsap in thuchah a sawi zawh hnu hian Congress Member Pu T. Sangkunga chuan Governor thusawi chungchanga lawmthu sawina motion a pulut a, he motion hi  Vawiin ah sawihovin pawm a tum a ni ang.
    Hemi hnu hian Finance Minister Pu Lalsawta chuan kum 2013-14 chhunga Sorkar sum indaihlohna phuhrukna tur, Supplimentary Demands For Grants leh Sorkar kum thar, 2014-15, thla 4 chhunga Sorkar sum hman tur Vote on Account te House ah a pharh zui a, kum 2013-14 chhunga sum hman dan siam remna tur, supplimentary Demand for grants hi a vaiin Rs. 2658,47,65,000/- a ni a, kum 2014-15 atana thla 4 chhunga sum hman tur Vote on Account hmanga pharh hi cheng vbc. 2381,0883,000/- a ni. Finance Minister chuan kum 2014-15 atana Mizoram plan sum tur hi Planning Commission in a la bithliah loh avangin, cheng vbc. 3325 vel ni tura ngaiin ruahmanna siam a ni, tiin, Sorkar inrelbawlna atana sum hmuh tur Revenue Recipt chu cheng vbc 6362.52, State Sorkarin chhiah a lakkhawm tur, State Won Tax revenue chu cheng vbc. 270.39, chhiah nilo, thil dang tlingkhawm a\anga sorkar sum hmuh tur, Non Tax Revenue chu cheng vbc. 284.79 ni tura ruahman a ni a, heti hian State Sorkarin a thawhchhuah tur chu cheng vbc 555.69 a ni a, Central sorkar chhiah lak a\anga State chanvo share of taxes chu cheng vbc 1045.69 tura dahin, Central atanga a thlawna hmuh tur Grants in aid chu cheng vbc. 4761.64 a ni, a ti.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni