Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-a Food fest hmasa ber Aizawl-ah neih \an a ni.

Mizoram-a Food Fest hmasa ber chu nimin khan Aizawl-a Sipai Lammual Basketball Court-ah Pu Joseph Lalhimpuia, Parliamentary Secretary chuan a hawng a, he Food Fest hi ni 4 chhung neih tur a ni. Sorkar laipui chuan eitur thianghlim taka sawngbawl anih theih nan Ministry of Food Processing Industry dinin, tunah hian National Mission on Food Processing (NMFP) chu mumal takin a kal chhohpui mek a. Mizoram-ah pawh he hmalakna tipuitling tur hian Dt. 28.11.2011 khan Mizoram Food Processing Development Society chu din a ni a. India ram pumah he Project atan hian cheng vbc. 1240.74 dah a ni a, Mizoram pawhin cheng vbc. 11.31 chang in, hei hi 2013 -2017 chhunga hman tura tih a ni a, tunah hian cheng vbc. 2.9325 dawn a ni tawh a ni. NMFP ruahmanna hnuaiah hian Central-a Ministry hrang hrang - Food Processing Industry, Small and Micro Enterprises, Rural Development te chuan chak takin hma an la mek a. Sorkar mai nilovin Central Food Technological Research, Central Institute of Post Harvesting Engineering and Technology, Indian Institute of Crop Processing Technology, NABARD, ICAR, Coffee Board, Tea Board, Spices Board te \angrualin eitur \ha leh hrisel siam a, vawn\hat a, hralh chhuah dan tur ruahmanna neiin Food Fest hi hmun hrang hrangah an nei \hin a, Mizoram-ah chuan tun hi a vawikhatna tur a ni. Food Fest-ah hian Food Servicing (catering) ti \hin 9 an tel a, Food Processing industry 20 bakah MIFCO pawh an tel a ni.

Comments

Popular News (Last 30 Days)