Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram EVM neih mek aiah BEL siam hman a ni dawn.

Mizoram in vote thlakna khawl, Electronic Voting Machine (EVM) a neih mekte chu Court thubuai avangin Lok Sabha inthlanpuiah hman theih a ni dawn lova, Bharat Electronics Ltd. siam EVM te hman a ni dawn.
Mizoram CEO, Pu Ashwani Kumar chuan, Mizoram in inthlana a hman \hin, Electronics Corporation of India Ltd. (ECIL) siam EVM-te chu Court thubuai avangin khawih chet theih lova Strong Room-a dah mek a ni a, nizan hmasa khan Maharashtra a\anga lak, Bharat Electronics Ltd. siam EVM-te chu Mizoram-ah phurh thlen a ni a, heng EVM hmang hian Lok Sabha inthlanpuiah vote thlak a ni ang, a ti a. CEO chuan, ‘Lok Sabha inthlanpuiah BEL siam EVM hman a nih dawn avang hian ECIL siam EVM te chu hman tawh loh tawp tur tihna a ni lo a, Court-a thubuai a awm mek vangin tun tum inthlanna neih turah hman hawh mai tur a ni,’ a ti. BEL siam EVM te hi Mizorama hman turin 1,716 a lo thleng dawn a, nizan hmasa khan 1,466 a lo thleng a, a dangte chu kawngah a lo thlang mek tih CEO chuan sawiin, Mizoram-ah Polling Station 1,126 a awm a, Polling Station tin daih bakah election-a duty tur training nan leh a chhiat thut palha thlakna turin 1,700 chuang an chah tih a sawi. Mizoram-a hman tur BEL EVM-te hi nizan hmasa khan Truck-in Rangvamual-a Ch. Saprawnga Truck Terminal-ah rawn phurh thlen a ni a, District hrang hrangah sem nghal a ni a, Aizawl-ah chuan Strong Room-ah khawih chet theih loha ECIL EVM a awm avangin Aizawl SP Conference Room-ah venhimna \ha tak hnuaiah dah a ni.

Comments

Popular News (Last 30 Days)