Mizoram-ah sorkar hnathawk 55,465 awm

Economic Survey Mizoram 2013-14 a tarlan a nih danin, Mizoram-ah sorkar hnathawk 55,465 an awm mek a, hetihlai hian Mizoram district 4-a Employment Exchanged ah hna zawng lai inziak lut zat chu mi 45,548 an tling.
Assembly budget session neih zawh taka Finance Minister Lalsawta’n House a pharh Economic Survey 2013-14 in a tarlan dan chuan, tun dinhmun a sorkar hnathawk mi 55,465 zingah hian reguler a thawk 44,557 awmin, a dang 10,908 te chu Muster Roll, Workcharge etc. a thawk an ni a, sorkar hnathawk zingah hian 41,400 te chu Mipa niin, a dang 14,065 te chu Hmeichhia an ni.
    Economic Survery 2013-14 a alan danin, tun dinhmuna Mizoram a sorkar hnathawk ah Group 'A' Officer Mipa 2,931 leh Hmeichhia 1,160, an vaiin 4,091 an awm a, Group B ‘G’ Mipa 1,135 leh Hmeichhia 574, an vaiin 1,709 awmin, Group B ‘NG’ Mipa 7,721, Hmeichhia 4,627, an vaiin 12,348 an awm bawk. Group C-ah Mipa 15,244, Hmeichhia 3,039, an vaiin 18,283 awm bawkin, Group D-ah Mipa 6,537 leh Hmeichhia 1,589, an vaiin 8,126“ an awm bawk.
    Mizoramah sorkar hnathawk 55,465 an awm mek lai hian, Mizo-ram district 4, Aizawl, Lunglei, Saiha leh Champhai-a Employment Exchange ah hna zawnglai inziaklut mi 45,548 an awm mek bawk a, Aizawl-a Employment Exchange-ah inziaklut mi 29,619 an awm a, Lunglei-ah 5,282, Saiha-ah 6,592 leh Champhai-ah 4,055 an awm bawk. Hna zawng mek Employment Exchange a inziaklut zingah hian CL VI to IX - 6876, Matriculate/HSLC - 7428, PUC/HSSLC - 12068, B.A. (General) - 1808, B.A. (Hon)- 5865 leh M.A.- 1692 te chu hna zawng inziaklut tam zualna Category a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai