Lok Sabha inthlanah Postal Ballot hmang dawnlo. Serchhip District-ah VVPAT hman a ni dawn.

Lok Sabha inthlanpui neih tura inthlanna a duty turte tan Postal Ballot siam a ni dawn lova, Hrangturzo biala bye-election neih tura duty turte tan chauh Postal Ballot hi siam a ni ang.
He thu hi Serchhip District Election Officer leh 28-Hrangturzo (ST) AC-a bye-election neih tura Returning Officer ni bawk, Dr. Franklin Laltinkhuma IAS chuan a sawi a, Dr. Franklin Laltinkhuma IAS chuan tun inthlan lo awm turah hian Hrangturzo Assembly bial tan chauh Postal Ballot siam a nih tur thu leh Lok Sabha atan chuan bial khat vek kan nih avanga Election Duty Certificate (EDC) chauh siam a nih tur thu sawiin, hei vang hian election duty-a kal zawng zawng ten vote an thlak vek theih nan mahni inngaihtuah a \ul thu a sawi a. Hrangturzo Assembly bial mi, hmun danga duty turte chuan a rang lama Postal Ballot an dil a ngai a, Lok Sabha seat atana vote thlak tur, election duty turte erawh chuan duty tur an ni tih an inhriat veleh driver-te pawh tiamin thuneitu te hnenah EDC hi dil vek turin a chah nghal bawk a ni.
    Hei bakah hian Dr. Franklin-a chuan department hrang hranga hotute chu khawtlang leh ram hmasawnna tur atana theihtawp chhuahpuiah a sawm a, Lok Sabha leh Hrangturzo Asembly bial bye election lo awm tur chu muanawm leh fel fai taka hlenchhuah a nih theih nan, fimkhur leh \hahnem ngai taka thawk turin a chah hlawm a ni. Bawrhsap thar chuan tun \um inthlanah hian a vawikhatna atan VVPAT hman a nih ve dawn avangin official ten training an ngaih pawimawh a \ul lehzual thu a sawi a, official-te chu chhuanlam siama election duty awl beisei lo turin a ngen nghal bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai