Latest News

Lirthei insu vangin Pu Imanuel-a boral

Nimin (10th March, 2014) zinga Chhiahtlang khawchhunga Bike leh Pik-up, Bolero (Campers) insu vangin Pu Imanuel-a (32), New Serchhip Bazar Veng chu a boral.
Thudawn danin Pu Imanuela hian a nupui, Pi Lalhmunsiami, Govt. M/S Chhiahtlang-a zirtirtu chu a hnaa kal tur thlahin heta a rawn haw lam chu zing dar 9:30 velah Chhiahtlang Chhim Veng-a Pu Thanchhunga In kawt-ah Maxi cab pakhat chu tlanpelh a tum laiin anmahni tawk zawnga Pik-up rawn tlan, Rawpui khua ami te ta nen hian na takin an insu ta a ni. He an insutna ah hian Pu Imanuel-a hian a Ban, a nak leh a malpui-ah hliam tuarin Serchhip dam-dawi In panpui a nih hnuah Aizawl panpui tura tih an ni a, Aizawl an pan laiin nimin chhun dar 1:45 vel khan Khumtung-ah a hliam tuar lo in a boral zui ta a ni. Pu Imanuel-a ruang hi nimin khan an In rawn thlenpui nghal a ni a, nizan khan lumen a nih hnuah Vawiin hian vuiliam a ni ang.

Comments

Popular News (Last 30 Days)