Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

‘Hna zir tumlo ten Office an tihnawk’ - Lal Thanzara

Mizoram sorkar-a Minister of State, Pu Lal Thanzara chuan, ‘Sorkar hnathawk, hna thiam silo, zir tum bawk silo ten office an tihnawk \hin a ni,' a ti.
He thu hi Administrative Training Institute (ATI) in MSS Officers Grade-V tana training a kalpui mekah trainee te nen inkawmhona nimin a neih a hmanpuina ah a sawi a, he hunah hian Pu Lal Thanzara chuan Mizoram Sorkar office hmun pawimawh luahtu Superintendent-te tan training buatsaih a nih chuan ram inrelbawlnaah pawh thil hlawkthlak tak a hrin a beisei thu sawiin, training petu ATI thawktute chungah pawh an thawh \hat vangin lawmthu a sawi a. Minister chuan Superintendent-te chu Sorkar Rules & Regulations thiam sa an nih pawhin, an rawngbawl sak mipuite chanvo ah harsatna siamlo turin leh, Sorkar hnathawk an nihna dinhmun chu chapo puilo turin a fuih a. Sorkar hnathawk tan chuan Sorkar policy hrang hrang, mipuite tana siam te hi an ngaih pawimawh a \ul zia a sawi bawk a. Chutihrualin ‘party-feeling’ neih chu Sorkar hnathawk tan chuan thil tih chiloh a nih thu leh, mipuiin hruaitu atan an thlan tawh phawt chu phur taka thawhpui thiam zel turin a beisei thu Pu Lal Thanzara chuan a sawi bawk. Thla hnih awh tur MSS Officer 23-te tana training neih mek hi January ni 13, 2014 khan \an niin, sorkar hnathawhna tana thil \angkai leh pawimawh tam tak zirtirna pek a nih bakah exposure tour neih a ni bawk a. Nimin a inkawmhona hun hi ATI Director-in-charge Pi Ramdinliani chuan a kaihruai a ni.

Comments

Popular News (Last 30 Days)