Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chhiatrupna thlen thulh a hmalak dan tur lemchan Serchhip khawpui ah neih leh a ni dawn.

Tun thla ni 13 khian Serchhip ah Chhiatrupna thlen thulh  a hmalak dan tur lemchanna, Mega Mock-Drill neih a ni dawn a, he Mock Drill neih dan tur chungchang hi nimin khan sorkar mi pawimawh ten an sawiho.
He sawihona Serchhip DC’s Meeting Room-ah neih hi Serchhip District Bawrhsap Pi Juhi Mukherjee, IAS, District Disaster Management Authority Chairman ni bawk chuan kaihruaiin National Disaster Management Authority ruahman Mega Mock-Drill neih tur hi India ram hmarchhak huap a ni a, chhawng hnih ah \hen niin Chhawng khatna chu March ni 10, 2014-ah neiin a chhawng hnihna March ni 13, 2014 a neih turah Mizoram tel ve in Serchhip leh Aizawl ah buatsaih a ni anga, hemi rual hian Silchar (Assam), Dimapur leh Kohima (Nagaland), Imphal leh Thoubal (Manipur) bakah Agartala leh Ambassa (Tripura) ah te neih a ni bawk ang. Nimin a \hutkhawmna a tel te hian Mega Mock-Drill neihna tur atan hian Serchhip khawpui huamchhunga hmun hlauhthawnawm leh himlo deuh nia an hriat hmun nga an thlang chhuak a, hemi atana \ul hrang hrangte an ruahman fel nghal bawk.
    Mega Mock-Drill neih hunah hian National Disaster Management Authority, State Disaster Management Authority leh District hrang hrang a\ang Observer 18 an tel bakah National Disaster Response Team te, Mizoram Police, 14 Assam Rifles, sorkar Department hrang hrang bakah Volunteers 100 chuang an tel dawn a ni. India hmarchhak hi lirnghing hlauhawmna tehna ah khawvela hmun hlauhawm berte zing ami anih avangin sorkar laipuiin a ngai pawimawh em em a, Shillong-a kum 1897 a lirnghing 8.7 richter scale a na a nghing kha India rama lirnghing nasa berte zing ami niin mi 1500 laiin nunna an chan a, chhinchhiah theih chinah India hmarchhak ah kum 1897 a\ang khan Major Earthquake vawi 12 thleng tawhin mihring 8,84,000 laiin lirnghing vangin nunna an chan tawh a ni.

Comments

Popular News (Last 30 Days)