Chhiatrupna lo thlen huna chhanchhuahna hna thawh dan tur lemchan hlawhtling taka neih a ni.

National Disaster Management Authority ruahmanna angin  nimin khan Serchhip-ah chhiatrupna lo thlen huna chhanchhuahna hna thawh dan tur lem chan “Mega Mock-Drill” chu hlawhtling taka neih a ni.
Nimin a Mock Drill neih hi kum 1897 a Shillong khawpui lirnghing na tak (8.7 Richter Scale) in a sawi ang tluk a na in Serchhip a sawi ve thulh a chet lak dan zirna a ni a, chawhma dar 11:30 ah Siren tih rik niin Serchhip khawpui huamchhunga hmun hmun nga (Serchhip Bazar Building, JN Hospital, Sesah Residential Area, New Serchhip Supply Godown leh a chheh vel, DC Office Complex) ah te Mock Drill hi neih a ni a, National Disaster Response Force, State Disaster Response Force, Mizoram Police, 14 Assam Rifles, Sorkar Department hrang hrang leh Volunteers engemawzatin chhanchhuah hna hi an thawk a, hmanraw chi hrang hrang leh lirthei engemawzat chhanchhuah hna thawh na atan hian hman niin \um danga Mock Drill neih tawh aiin nimin a Mock Drill neih hi a hlawhtling zawk a niin a lang.
    Mock Drill neih zawh hian DC Conference Hall-ah Dr. Jayakumar C, Senior Consultant, NDMA hovin Official hrang hrangte Final briefing neih a ni a, Mock-Drill a\anga zir tur an hmuh thar te leh hmasawnna tur chi hrang hrang te, induhkhawplohna chi hrang hrang te an sawiho a; Dr. Jayakumar chuan Mock-Drill chu hlawhtling thawkhata a hriat thu leh Mock-Drill a tel zawng zawngte inpekna a hmuhin lawm awm a tih thu a sawi a, Chhiatrupna a lo thlena pawimawh ber pakhat chu pawn lam a\anga puihna a lo thlen hma a kan hmanraw neih ang ang \angkai taka hman thiam anih thu sawiin, kan hmanraw neih te duhthusam a nilo emaw, a sit awm deuh anih pawhin hman \angkai dan tur zir thiam a pawimawh hle a ni a ti bawk. Mega Mock-Drill hi Mizoram chhim lam District pali - Serchhip, Lung-lei, Lawngtlai leh Saiha tan a ruahman a ni a, heng District hrang hrang a\ang te hian Observer engemaw zat an rawn tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai