Chanchinthar thenkhat :

ZUALKO

@@ Nimin zing dar 8:10 vel khan Pi Saihnuni (74), Upa H. Lalliana nupui, Serchhip Hmar Veng chu Ashma vangin JN Hospital, Ser-chhip-ah a boral a, nimin vek khan vuiliam nghal a ni. Pi Saihnuni hi Serchhip Hmar Veng Branch MHIP-a hruaitu hlun a ni.
####
TT khelthiam chawimawi
@@ Tunhnaia Bellary Karnataka-a 6th Swami Vivekananda National Level PYKKA Rural Competition 2013-14, Group-V neih zawh taka Mizoram aiawha kal leh pathumna dinhmun hauhtu, Lalramhluna leh PC. Lalramtluanga te chu Inrinni kalta khan New Serchhip Table Tennis Club chuan chawimawina hun an hmang a, heng mi pahnih te hi an member nilai ve ve an ni.
####
Budget zirhona nei
@@ Principal Accountant General leh MJA Gen. Hqrs. buatsaihin nimin khan Aizawl-ah MJA Member te tan Budget chungchang zirhona buatsaih a ni a. He hunah hian mi-thiam thlanchhuah ten Budget buat-saih dan kalphung leh sorkar sum hmuh hman theih dan te tarlangin, sawihona hunah Mizoram leiba a pung chho zel chu ngaihmawhawm tak a nih thu leh Mizoram in Chhiah chi hrang hrang a lakkhawm bei-tham lutuk chu tihpun a \ul thu te pawh sawilan a ni bawk.
###
Boxer 9 tir dawn
@@ Tun thla ni 18 a\anga ni 21 chhung khian Inter-District Boxing Championship 2014 chu Hawla Indoor Stadium Aizawl-ah khelh a ni dawn a, Serchhip District Boxing Association(SEDBA) chuan Boxer 9 a tir dawn a ni.

AAP in MP chuh dawn
@@ Thla thar April ni 9-a Mizoram Lok Sabha Seat khat luah tura in-thlanna neih turah Aam Aadmi Party (AAP) Ticket in IAS Officer hlui, Pu M. Lalmanzuala chuan a chuh dawn tih nimin khan Aizawl Press Club-ah thuthar lakhawmtute kawmin a sawi a, he inthlanna chuh tur hian Vawiin hian Nomination File a tum thu pawh a sawi nghal bawk.
####
Hnathawh tur inhrilhfiah
@@ Lok Sabha inthlanpui neih tura Aizawl District tana ECI-in Expenditure Observer tura a ruat Pu PC. Majhi, IA&AS, Accountant General, Chhattisgarh hovin nimin khan inthlannaa sum senso viltu tura ruat team hrang hrang - Asst. Expenditure Observer te, Flying Squad, Static Surveillance Team, Video Surveillance Team, Video Viewing Team leh Accounting Team te tan DC’s Conference Hall-ah an hnathawh dan tur leh mawhphurhna inhrilhfiahna neih a ni.
####
Bike Ambulance
@@ Damlo damdawi In-a hman-hmawh taka hruai ngai te tan Bike Ambulance chu Aizawl-ah hman thuai a ni dawn a, hemi chungchangah hian National Health Mission (NHM) Director kalchhuak ta, Dr. Gordon Zohmingthanga chuan he rawtna hi an siam veleh Union Health Ministry chuan a pawm nghal tih sawiin, hemi ang hian Aizawl-ah Bike Ambulance paruk (6) dah thuai a ni dawn tih a sawi a. Heng bike Ambulance te hi Rapid Response Team (RRT) anga che chhuak tur an nih thu leh RRT pakhat ah hian Paramedic mi 2 zel an awm tur thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man