Chanchinthar thenkhat :

Pu PC. Liankima boral

@@ Nizan hmasa dar 10:45 vel khan Pu PC. Liankima (51), Pi Lalhunthari pasal, Serchhip Hmar Veng chu lungphuchawl in a boral a, a ruang hi lumen a nih hnuah nimin khan vuiliam a ni. Pu PC. Liankima hi Serchhip Hmar Veng Branch YMA a President nilai a ni.

Tour neih tur thlirlawk
@@ MJA Serchhip District chuan nimin zing khan Executive Meeting neiin tun thla ni 20-22 chhunga Tuirial leh Serlui ‘B’ Hydel project tlawh an tum chungchang an sawiho a. Ruahman lawk ang chuan tun thla ni 20-ah Serchhip chhuahsan in Kolasib-ah an riaklut anga, a tuk ni 21-ah heng Project te hi tlawhin ni 22-ah Serchhip an rawn thleng leh ang.

A thlawnin Mi ensak tam
@@ Kum 2013 leh kumin January thla chhung khan Mizoram-ah Sikul naupang 43,854 te mit a thlawnin ensak niin mi 6,128 te chuan mit natna vei an ni tih hmuhchhuah a ni a, heng zinga harsa zual mi 821 te hnenah National Programme for Control of Blindness, Mizoram chuan a thlawnin Tarmit sem a ni tawh bawk. Hei bakah hian hemi chhung hian Mizo-ram-ah Cataract zai 1501 a ni a, a mamawhtu hnena Mit pe mi 102 awm tawhin mi 11 te Mit thlak sak an ni tawh bawk a ni.

Chin hriatloh in awm
@@ Niminpiah zing dar 3:00 vel khan Tv. Ramdinsanga (30) s/o Rozama, Thenzawl Bazar Veng chu Tlawng lui, Samlukhai ram thlen hma, Thingkha li-a a \hiante nena an riahna a\angin chin hriatloh in a bo a, nimin a\ang khan Thenzawl khua chuan khaw-tlang huapin bo zawh hna hi an thawk a, he thu buatsaih lai thleng hian a chin hriat ala ni lo. Tv. Ramdinsanga hi a \hiante midang 6 nen mi thingzai thiara inhlawhin an riak a ni.

VC 3-ah INC chak tawh
@@ Tun thla ni 25-a Lai Autonomous District Council huamchhunga VC inthlanpui neih tur atan inbuatsaih mek zel a ni a, tun \umah hian VC 93-ah inthlanna hi neih tur ni mah se VC 3- Seat 4 awmna Chamdurtlang-II, Seat 4 awmna Chamdur Project-II leh Seat 5 awmna Bolisora VC ah te chuan Congress Candidate te chuhtu awm lovin tlingah puan an ni.

Larsap in lawmpuina hlan
@@ Mizoram Governor Pu Vakkom Purushothaman chuan 68th National Football Championship for Santosh Trophy a Champion Mizoram Football Team te chu nimin khan Raj Bha-van-ah thingpui ruai a buatsaih sak a, he hunah hian Larsap chuan champion lawmpuina atan Team Captain Zico Zoremsanga chu Rs. 10,000/- leh players dang te leh Official te Rs. 5000/- theuh a hlan nghal bawk. Mizoram sorkar-a Sports Department pawhin Mizoram Team player te hi nimin khan lawmpuina leh chawi-mawina hun an hmang bawk.

Sorkar laipui ngenna hnawl
@@ Supreme Court chuan Rajiv Gandhi thahna a inhnamhnawihte chungchanga a thu remna ngaih-tuah \ha leh tura sorkar laipuiin a ngenna chu a hnawl. Court sang ber hian Jan. 21, 2014 khan a thu remna hi a lo tichhuak tawh a, thi tura an chungthu lo rel tawhte chu damchhung tang zawk turin a ti a, hei hi sorkar laipui chuan duh lovin Supreme Court hi a thutlukna siam ngaihtuah nawn leh turin a ngen a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai