Latest News

Chanchinthar thenkhat :

ZNP tel lova MP inthlan chuh tum

@@ Mizoram-a eptu pawl hrang hrangte intelkhawmna, United Democratic Front (UDF)-a tel ZNP in an Elected OB mi ngei, MP Candidate atan thehchhuah an tum chu kal-tlangpui ngei an tum nia hriat a nih avang leh anmahni pawha Lok Sabha MP chuh an tum nia a lan avangin nimin khan MNF thuneitu sang, National Core Committee leh Political Affairs Committee (PAC) Member te Aizawl-ah \hukhawmin ZNP tel lova MP inthlanpui chuh dan tur sawihoin thutlukna erawh an la siamlo thung.

MJA Conf. hun tur rel
@@ Mizoram Journalists’ Association (MJA) Gen. Hqrs. chuan nimin khan Executive Meeting neiin kumin a MJA General Conference leh hruaitu thlanna chu April 15, 2014 khian Ai-zawl-ah neih nise an ti a, he hunah hian Prominent Journalist-ah District MJA ten an rawt angin Pu Hmaoko Hlychho, Editor Mara Land, Saiha leh Pu S. Lalhmachhuana, Editor Turnipui, Kolasib te puan an ni ang.

Lawi 40 vel thiin hmu
@@ Tunhnai khan Champhai District-a |iau lui dep ah Lawi 40 vel thi a hmuh a ni a, heng Lawi te hi Lian-pui ramah 20, Hmawngkai-ah 15 leh Sazaiphai-ah 7 te an ni a, heng lawi te thih chhan hi chhui a nih hnu ah he lui-a Sangha mantu \henkhat in Chinai an hman avang leh Lawi in tui hi an tlan ve bawk si avanga thi nia rin a ni.

Vawiin chawlh ah puang
@@ Vawiin March 12, 2014 hi Mi-zoram in Santosh Trophy a lak lawmna atan sorkar Pisa chawlh ah puan a ni a, MCC hman mek a nih avangin nimin tlai khan Election Commission of India chuan phalna a rawn pe a ni.

EVM 456 lo thleng tawh
@@ Lok Sabha inthlanpui neih turah MLA inthlan hnuhnung bera Electronic Voting Machine hman chu Court Case a awm avangin hman theih a ni dawn lova, inthlan hmasaa EVM hmanloh leh Court Case nei lo zawng chu Arunachal-ah thawn tura ruahman niin Aizawl District tan EVM 456 (CU & BU), Bharat Electronics Ltd. (BEL) Company siam hman a ni dawn a, heng te hi Maharastra a\anga rawn phurh thlen a ni tawh a ni.

Comments

Popular News (Last 30 Days)