Chanchinthar thenkhat :

CL. Ruala ding dawn

@@ Lok Sabha inthlanpui neih tura Indian National Congress (INC) in Candidate an puan hmasak ber te zingah Mizoram-a Lok Sabha Seat 1 chuh turin MP dinglai, Pu CL. Ruala chu puan a ni a, Mizoram-a Lok Sa-bha inthlanna atan hian April 9, 2014 khian vote thlak tur a ni.

MNF in mi\ha thlan duh
@@ MNF Party-a thuneitu sang Political Affairs Committee (PAC) leh Core Committee te Inrinni kalta zing a \hukhawm chuan eptu Party hrang hrangte thawhhona, United Democratic Front (UDF) in Lok Sabha inthlanpui neih tura an Candidate tur chu party mal nilo mipui in an vote theih tur mi thlan nise an ti a, UDF din a ni ta chu lawmawm an tih thu sawiin, UDF in thawhhona thuthlung an duan te pawh \ha an tih thu leh Lok Sabha inthlanpui neih turah pawh UDF candidate chu tu pawh nise a tlin theihna turin theih-tawp an chhuah tur thu an sawi bawk.

Special Camp neih a ni
@@ Election Commission in kumin January ni 1-a kum 18 tling chinte tana Electoral Roll-a inziahluh theihna hun siam tura a tih angin nimin khan Mizoram hmun hrang hranga BLO ten Special Camp an buatsaih a, kumtling te tan hian Roll-a inthun theihna hi hawn reng a nih avangin hmun \hen-khat ah chuan neih a nilo thung.
Music Festival nei
@@ All India Radio (AIR) Aizawl chuan Inrinni khan Thenzawl-a Jt. YMA Hall-ah Mizo hla humhalh leh chawisanna atan ‘Mizo Folk & Light Music Festival' a buatsaih a, he hunah hian Thenzawl bakah Serchhip, Kanghmun ‘S’, Sialsuk, Lunglei leh Aizawl a\angin YMA Branch hrang hrang leh Cultural Troupe ten Hmanlai Mizo hla leh tunlai hla lar te sain an entir a, hei bakah hian tunlaia Mizoram-a mimal zaithiam lar engemaw zat an zai bawk a ni.

YMA hruaitu ten lawmthu sawi
@@ YMA Sub-Hqrs. Serchhip hruaitute chuan kumina Chapchar Kut tluang leh hlawhtling taka hman zawh a ni ta chu lawmawm an tih thu an sawi a, he Kut hlawhtlinna tura tha leh hun sengtu YMA Member, sorkar Department leh mipuite chungah lawmthu sawiin, item entirtute leh he Kut hmangtu mipuite zawng zawng chungah pawh lawmthu an sawi tih an sawi bawk.

SCC \hukhawm dawn
@@ YMA Sub-Hqrs. Serchhip in tun thla ni 25-27 chhunga Sub-Hqrs. Conference vawi 4-na East Lung-dar-a a neih tura Agenda lut leh in-thlanna neih tura Nomination lut te thlirin Vawiin chawhma dar 11:00 hain Sub-Hqrs. YMA Coordination Committee (SCC) chu YMA Sub-Hqrs. Office-ah an \hukhawm dawn a, he khawmpuia a Khual-lian tura beisei, Chief Minister Pu Lal Thanhawla chu Assembly Session lai a nih dawn avangin a ranw tel thei dawnlo nia thudawn a ni.

Popular News

Mizoram-ah Faina Hapta hman \an leh a ni

Retailer bukna diklo 3 man