Assembly Session neih turah MLTP Act siam\hatna tur Bill putluh a ni leh rih dawnlo.

Mizoram sorkarin tun thla ni 18 a\anga \an tur Assembly inkhawm hun chhunga MLTP Act, 1995 thlakna tur dan duan mek putluh a tum chu an pulut rih dawnlo nia thudawn a ni.
Hemi chungchanga kan thudawnna in a tarlan dan chuan Election Commission of India in rampuma Lok Sabha inthlanpui neih hun tur a puan tak avangin sorkarin thutlukna lian tham a siam a rem tawh lova, thutlukna lian tham siam chu Election Model Code of Conduct bawhchhiatna a nih theih dawn avangin inthlanpui zawh fel a nih hma chu he dan duan lawk hi putluh a rem dawnlo a ni. Hemi chungchangah hian Home Minister leh Excise Department changtu ni bawk, Pu R. Lalzirliana chuan inthlanpui zawh hnu, July thla velah emaw Assembly inkhawm neih leh hunah he dan thar duan hi putluh tum a nih tak zawk thu AIR Correspondent in a zawhna chhangin a sawi bawk.
    Hetihlai hian Presbyterian Church of India Mizoram Synod-in Kohhran mipuite hnena ngenna leh hriattirna a chhuah angin Zu khapna Dan (MLTP Act 1995) ennawna zu thlah zalen tumna awm chu \ha a tih loh avangin nizan hmasa leh nizan lam khan Kohhran hrang hrangah \awng\ai rualna neih a ni bawk a, Synod thuchhuah chuan, “Zu hi thlarau leh taksa tichhe thei, khuahkhirh ngai a ni,” a ti a. Hetianga thlah zalen tumna awm hi Synod chuan \ha a ti lova, Synod Executive Committee vawi 250-na Thurel zingah MLTP Act chu tidanglam lova thuam \ha zawk turin sorkarah pawh ngenna thlen ni se an lo tih tawh angin, Zu hi tizalen lova, khuah-khirh zel a nih theih nan Kohhran tinah tawngtai rualna neih ni se, a ti a, hemi ang hian Inrinni zan khan Kohhran tam takah \awng\ai rualna neih niin nizan khan Kohhran \henkhat ah pawh neih tura ruahman a ni bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn