Vairengte-a Weight Bridge dodal zel tum

Mizoram Merchant Association (MIMA) chuan Mizoram Taxation Department in Vairengte a Weight Bridge siam a tum chu an duhloh thu sawiin, hemi chungchangah hian hmalak zel an tum thu an sawi.
Hemi chungchanga nimin a thuchhuah an siamah MIMA chuan Mizoram a bungraw phurh man hi a to bik em em tih tarlangin, Silchar a bungraw phurh man te aiin a let in a to bik niin an tarlang a, Lailapur a reilote Weight Bridge siam anih lai pawh khan nasa takin thil phurh man hi a san phah tih tarlangin, hei hian nasa takin thil man to kawng ah nghawng lian tak a nei tih an tarlang a, Weight bridge a sum chawi hi transporter ten pe mahse an bungraw phurh man ah an charge tel leh vek \hin avangin a tak a chawitu chu Mizoram sumdawng te tho an nih thu leh ho te a Mizoram sum luanralna a ni tih an tarlang a. Weight Bridge siam chu an duhlo ngawr ngawr a nilo tih tarlangin, Weight Bridge chu corruption in \anna nia an hriat thu tarlangin, Weight Bridge siamna hmundang dang ah pawh sum lut te hi a dik tak a chhun luh \hin nilo a an hriat anih avangin he Weight Bridge pawh hi corruption mai bakah Mizoram sumdawnna kawng a phurrit thlen tu leh mipui te tan pawh a harsatna la thlen zel thei thil nia a lan thu an tarlang a. Hemi chungchangah hian sorkar chu ngaihtuahna hmang \ha leh tura ngenin, Silchar leh Bhaga a sumdawng pawl hrang hrang, Cachar Merchant Association leh Mizoram a sumdawng pawl Silchar kaltlang a bungraw la \hin te nen Coordination Committee siam turin hma an la mek tih an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai