UN Team ten Mizoram an rawn tlawh leh dawn.

India rama UN Organisation pawimawh tak tak 5 - UNIDO, FAO, ILO, UNDP leh SouthAsia enkawltu bik UNIDO hnuaia Sustainable Energy for All hotu rual te chuan February 13 khian Mizoram an rawn tlawh dawn.
Hemi chungchanga nimin a sorkar thu-chhuah tarlan danin UN Team te hi Pi Ayumi Fujino, UNIDO Representative & South Asia Regional Director-in a rawn ho dawn a, Mizoram an cham chhungin NLUP hnuaia kuthnathawktute eizawnna ngelnghet siamsak mek chu phuisui zawka kalpuina tur kawng te, ramngaw hausakna awmze nei leh hlawk zawka hman \angkai dan tur te, leihnuai tuihna humhalh leh tihpun na tur te, mau hmanga eizawnna tih hmasawnna tur leh mau sawngbawlna changtlung zawka kalpuina tur te, ran hrileng laka ranvulhte an him zawkna tur te, Mizoram University nena thawhhona tur chungchangah te Mizoram sorkar nen hmalak ho dan tur an rawn en dawn a ni.
    Heng Mizoram rawn tlawh turte lo dawnsawn dan tur leh Mizoram tana hman \angkai dan tur ngaihtuahin nimin khan Chief Secretary Pi L.Tochhong hovin NIB Vice Chairman Pu P.L.Thanga leh sorkar department hotu pawimawh te chu Chief Secretary Conference Room-ah an \hukhawm a, heng UN Team rawn kal turte hi Pi Ayumi Fujino bakah Dr. Peter Kenmore, Head, FAO; Pi Tine Staermose, India rama ILO hotu, Pu Jorn Sorensen, Country Director, UNDP leh Pu Sandeep Tandon, National Expert, UNIDO hnuaia Sustainable Energy kaihhnawih zawng zawnga hotu te an ni a. Mizoram an cham chhungin sorkar department pawimawh te nen hmalakna tur chungchang sawihona meeting an nei ang a. Hemi hnu hian Mizoram University leh Mau Sawngbawlna hmun te, Chawhmeh Bazar te leh hmun pawimawh dangte an tlawh ang.

Popular News

Mizoram-ah Faina Hapta hman \an leh a ni

Retailer bukna diklo 3 man