Thla 9 chhungin Nu nau chunga thi 10 leh nausen thi 473 awm.

Nikum April thla a\anga December thla thleng khan Mizoram pumah nu nau chunga thi mi 10 leh nausen kum khat hnuailam thi 473 an awm.
He thu hi ni hnih awh tur National Health Mission (NHM) 3rd quarter (April-December, 2013) chhunga hmalak dan thlirletna nimin a Directorate of Health Services Conference Hall-a neih ah tarlan a ni a. He huna tarlan a nih dan chuan nikum April a\anga December chhunga Mizoram a naupai chhinchhiah zawng zawng zat chu 14,825 niin, naupiang 16,156 an awm a, Mizoram pumah nu nau nei zinga 89% chu damdawi In-a nau nei (safe delivery) niin, damdawi In-a nau nei hniamna ber Lawngtlai District-ah 62% an awm laiin, a sanna ber Aizawl District ah 98% an awm a ni. Nikum April a\anga December chhung khan Reproductive & Child Care Programe (RCH) hnuaia Janani Suraksha Yojana (JSY) programme a\angin naupai/nau nei \anpuina dawng mi 11761 leh Janani Shishu Suraksha Karyakram (JSSK) a\anga damdawi In a nau nei senso tumsak mi 1308 an awm bawk a ni. Sorkar laipui-a Sample Registration System Survey, 2012-in a report danin India ramah nausen kum 1 chhunga nau piang 1000 zelah nausen thi 42 zel an awm laiin Mizoram-ah chuan thi 35 zel an awm bawk.
    He hunah hian Health Minister, Pu Lal Thanzara chuan he Department-a thawktute \awiawmna leh \anrualna avangin thil \ha tamtak an chin chhuah theih a beisei thu sawiin, department hnathawktute chu hrilhriat leh bengvar a ngaihna laia pui \hin turin a sawm a. Millenium Development Goal pariat zing a; nausen thi tih tlem te, HIV beihna kawnga \an lak te leh Malaria tihrem kawnga \an lak te chu ngaihpawimawh lehzual a \ul thu leh \an lak a \ul thu a sawi a. Doctor te chu an hna uluk lehzual leh inpekna tak tak nen a thawk tura chahin,khawtlang hruaitute thawhpui thiam turin a chah bawk.

Popular News

Mizoram-ah Faina Hapta hman \an leh a ni

Retailer bukna diklo 3 man