Sorkar School leh Private School-ah Session thar a\angin Fee rualkhaia hman duh.

Mizo Students’ Union (MSU) chuan kumina Academic Session thar a\angin Sorkar School leh Private School fee rualkhai zawk hmang turin sorkar a phut.

Mizo Students’ Union (MSU) hruaitute chuan nikum 2013-a sorkar enkawl School Fee structure mumal lo leh Private School Fee rualkhai lo lutuk siam\hat a nih theihna tura hma a lo lak tawhna bawhzuiin tunkar Ningani khan School Education Department Office-ah department Officers-te Meeting an neihpui a, he meeting hian sorkar hnuaia High School leh Higher Secondary School Fee structure zirchiang tura Education Department-in a siam, Task Force te ruahmanna thlirho a ni a, heng ruahmanna an siam hrang hrangte hi an pawm a ni. MSU chuan sorkar School, Deficit leh Aided Sschool te chu sorkar fee structure ruahman hi kum 2014 session a\anga hman a nih ngei theihna turin a rang thei ang bera Notification chhuah turin sorkar a phut a ni.
    He Meeting-ah hian Private Institution (Govt. & Aided) fee chungchanga Task Force report leh the Report of the Rules and Regulations Drafting Committee on Private Schools enho a nih hnuah chiang zawka zir chian leh tura dah a ni bawk a, Private institution (Govt. & Aided) School te Fee Structure hi duan a la awm lova, \ha zawka siam a nih theih nan Private Recognise School te Fee Structure 2013-2014-a khawn dan hi Director of School Education-ah hriattirna siama enho leh tura ruahmanna siam a ni. Hei bakah hian MSU chuan kum 2014-2015-a hman \an hman ngei turin Private Institution (Govt. & Aided) school te hman tur fee structure hi ruahmanna siam turin thuneitute chu an ngen bawk a ni. He Meeting-ah hian MSU lam hi an Vice President, PC. Lalrinhlua hovin an tel a, Education Department a\angin Joint Director pahnih Pu JH. Biakmawia leh Pu K. Lalrinthanga, Deputy Director pahnih Pu V. Lalhming-liana leh Pu Lalchungnunga leh midangte an tel a ni.