Serchhip News thenkhat :

MPTA Sub-Hqrs. Conference nei

@@ Mizoram Primary Teachers’ Association (MPTA) Sub-Hqrs. Serchhip chuan nimin khan Zoluti Hall, Serchhip Vengchung-ah Conference vawi 11-na hmangin an pawl hruaitu tur thlanna an nei nghal a, he hun hi Pu C. Lalngai-zuala, SDEO Serchhip chuan khuallian nia hmanpuiin an thurel zingah Mid-Day Meal-ah Cook lawmman leh Conversion Cost a hun taka hmuh an duh thu leh Middle School te nen inang tlanga kal an duh thu bakah Zirtirtute tana Excursion neih an duh chungchang te a tel bawk.

Orientation Training nei
@@ Nimin khan Serchhip-a DEO Office buatsaihin High School leh Middle School zirtirtute tan Orientation Training on E-Management of Inspire Award chu neih a ni a, he hun hi Pu Zolawma, DEO chuan hmanpuiin khawvel changkanna in a kentel Internet hmanga awlsam taka hna kan thawk thei ta chu a lawmawm tih sawiin, chumi rual chuan Zirtirtute pawh in heng thiamna sang zawk te hi hriaa hmang \angkai ve thei tura an rilru leh thiamna te zau taka hawng turin a chah bawk.

Mit entirna buatsaih
@@ SSA Mission Serchhip District buatsaihin nimin khan Serchhip ah Zirlai naupangte tan Children With Special Needs (CWSN) hnuaiah Assesement Camp neiin a thlawna Mit entirna neih a ni a, Serchhip District chhunga zirlai naupang 154 te Mit chu Dr. ZD. Lalmuanawma leh thawktu dang ten an en sak a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn