Serchhip News thenkhat :

/
Anganwadi-a Gas bur ru

@@ Tun Pathianni zan vel khan Ser-chhip P&E Veng, Leisekawt Field bula Anganwadi Centre chu mi tu tih hriatloh ten rawkin Gas Cylinder chu an ru a, Police-ah FIR theh-lutin chhui zui mek nia thudawn a ni a, he Gas bur hi Veng nu leh pa ten an thawhkhawm atanga lei niin Gas bur zuar an lo awm a nih chuan an Branch YMA hruaitute hriattir se an duh thu an sawi bawk.

HSLC Exam Centre thar
@@ Mizoram sorkar chuan PCR High School, Serchhip chu HSLC Exam Centre thar atan siamin kumin a\angin Govt. PCR High School bakah, CV Residential School, Chhiahtlang Govt. H/S, Chhiahtlang Millenium H/S, Lungpho H/S leh Sialhau H/S zirlai te an exam dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »