Latest News

‘Ram leh hnam humhalhna kawngah Rokunga hla ten hmalak dan tur min kawhhmuh.’ - CM

Mizoram Chief Minister, Pu Lal Thanhawla chuan Pu Rokunga hla te hian ram leh hnam humhalh kawngah hmalak dan tur kawng tam tak min kawhhmuh a ni, a ti.
He thu hi Mizo hla phuah thiam, 'Poet of the Century' tia koh Pu Rokunga pian cham-phaphak vawi 100-na lawmna inkhawm nimin a Aizawl Vanapa Hall-a neih a hmanpuina ah sawiin Chief Minister, Pu Lal Thanhawla chuan Mizo nationalism chungchangah intlansiak ang ten kan lang \hin tih sawiin, nationalism hi hmuiah chauh a awmloh thu leh, Pu Rokunga kha nationalist tak a ni tih a hla ah te a hriat theih tih sawiin, rinna lamah pawh a hla a\angte hian a thukzia a lang a ni, a ti a. He kum za tlin lawmna hi ram leh hnam humhalhna kawngah infuih thar nan hmang \heuh turin mi zawng zawng a sawm a ni. Hei bakah hian Chief Minister chuan chawimawi phu, chawimawi tlak te chawimawi nachang hriat hi a ropuiin a hlu a ni, tiin Mizote zinga hla phuah thiam chungchuang Rokunga kum za tlin lawmna denchhena Rokunga Memorial Society in amah chawimawina hun an buatsaih chu a ropui hle a ni, a ti bawk.
    Rokunga Memorial Society hi 22nd March 1999 khan din a ni a, a thil tum bulpuite chu Rokunga Memorial Lecture leh Seminar buatsaihte, Rokunga Hla Kutpui huaihawt te, A hla te a bu-a siama tihchhuahte leh Lungdawh leh a lim siam te a ni. A kum za tlin lawmna kal zel denchhen hian Essay, hla leh lemziah-ah te intihsiakna buatsaih a ni a, heng bakah hian Rokunga puala seminar te buatsaih a ni bawk a ni. He hunah hian Chief Minister hian Rokunga puala ‘Mizo Studies Journal’ tih lehkhabu a tlangzarh bawk.

Comments

Popular News (Last 30 Days)