Latest News

NHM hnuaia sorkar hmalakna enfiahna turin Serchhip District thlan a ni.

National Health Mission (NHM) hnuaia hriselna kawnga mipui vantlang te hnena sorkar in hna a thawh \hat dan te endik hna, Community Monitoring chu Mizoram a hman \an a ni dawn a, Serchhip district chu Pilot Project ah thlan a ni.
Mizoram-a Community Monitoring kalpui tur hawnna hi nimin khan Aizawl-a I&PR Conference Hall-ah neih niin Health Minister, Pu Lal Thanzara chuan he hun hi a hmanpui a, Pu Lal Thanzara chuan National Rural Health Mission (NRHM) kaltlang in Mizoram pawh in \an ala nasa hle tih sawiin, hriselna kawngah hma kan sawn tawh hle a ni, a ti a. Community Monitoring chuan sorkar hmalakna ti chak zual sawt dawn bak ah sorkar neitu mipui ten neitu chan changa sokar nasa zawka a puih theih dawn avangin a lawmawm hle a ni, tiin Monitoring hna thawktu tur te pawh an hnathawh a pawimawh zia hre reng chungin a chhelai siam\ha tu, damdawi In a hnathawkte finchhuah a, mipui te harsatna hmuchhuak thiam \hin tur leh hriselna chungchanga kawng kawhhmuhtu ni thei turin a chah bawk.
    Mizoram-a a vawikhatna atana Community Monitoring bul \anna atan hian Serchhip district pilot project ah thlan niin Zoram Entu Pawl in Monitoring hna hi an thawk dawn a, he hunah hian mithiam ten Community Monitoring hna chung changah endiktu tura thlan te hnen ah zirtirna an pe chhun-zawm nghal a ni. Tun dinhmunah Mizoram pum ah Accredited Social Health Activist (ASHA) 987 awmin Village Health Sanitation and Nutrition Committee (VH-SNC) hmun 815 ah din ni tawh a, Rogi Kalyan Samities or Patient Welfare Committees (RKS) pawh damdawi In 77 ah din a ni tawh a ni.

Comments

Popular News (Last 30 Days)