MJA (SD) Annual Conference neih a ni

Mizoram Journalist Association (MJA) Serchhip District chuan Zirtawpni kalta, 31st January, 2014 khan PWD IB, Serchhip-ah Annual Conference vawi 7-na hmangin hruaitu thlanna an nei.
MJA Annual Conference hi Pu Andrew H. Lalremruata, DIPRO, Serchhip chuan Khuallian nia hmanpuiin chanchinbumite chu mipui ngaih ah pawh mipuitling leh rintlak an nih avanga an chezia leh \awngkam chhuak thleng fimkhur turin a chah a, thuthar puanzar mai bakah khawtlang siam\hat kawngah te, sorkar khalhngil kawngah te an mawhphurhna san zia hria a intuaihriam hreng turin a fuih a, chi leh chi, hnam leh hnam inkara buaina chhuak thei ven kawngah te pawh an thu-chhuak te chu mipui ngaihchan ber anih avanga fimkhur turin leh ngaihtuahna fim tak hmanga mipuite zirtir zel \hin tura chahin an zahawmna vawnhim kawngah dik tak leh felfai taka che thin turin a fuih a ni. MJA Annual Conference hi Pu Lalremruata Ralte, Vice President in kaihruaiin Presidential Speech Pu Kapliana Pachuau hnen a\anga ngaihthlak niin Pu Zonunsanga Kawlni hnen a\angin General Secretary Report ngaihthlak ani a, Pu C.Lalhminghlua, Treasurer hnen atangin financial report ngaihthlak a ni a, MJA Gen. Hqrs. President in tunhnaia MJA member atana lak thar, Pu Lalrochhuanga lawmluhna neiin Serchhip khaw tlangval, tunhnaia MCS a tling thar Pu Lalnunfela Chawngthu chawimawina hun hman an ni bawk. Chawhnu lamah kum 2014-2016 chhunga hruaitu tur thlanna neiin President-ah Pu Kapliana Pachuau, Vice President-ah Pu Lalremruata Ralte leh Treasurer-ah Pu C. Lalhminghlua te thlangin Executive Member tur mi 5 an thlang nghal bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai