Mizoram-a Synthetic Tennis Court hmasa ber Serchhip-ah hman theihin hawn a ni ta.

Mizoram-a Synthetic Tennis Court hmasa ber Serchhip Bukpui ami chu Inrinni khan Pu CL. Thangliana, Secretary, P&E Deptt. (Rtd) chuan a hawng a, Sports Minister, Pu Zodintluanga chuan he hun hi a hmanpui bawk. 
Mizoram-a Synthetic Tennis Court hmasa ber hawnna hunah hian Pu CL. Thangliana chuan Mizoram-a a hmasa ber tur Synthetic Tennis Court pahnih hawn theiha a awm ta chu lawmawm a tih thu sawiin, Tennis chu Mizote khelh chi tak leh kan thiam zawng tak infiamna a nih thu a sawi a, infiamna dang zawng ai pawh a khawvel huapa lanna kawng awlsam ber a nih thu sawiin, Serchhip-a hman tur hian Tennis Racket kaihna khawl pek a nih tur thu a sawi bawk. He hun hmanpuitu Sports Minister Pu Zodintluanga pawhin Serchhip-a hetiang Tennis Court thar \ha tak hawn a ni ta chu lawmawm a tih thu sawiin, Mizoram in infiamna kawnga bung thar a kai leh ta tih lanna langsar tak a nih thu a sawi a, Tennis infiamna a infiammi te in\hian \hatna chu eng infiamna dang mahin a phak lo nia a hriat thu a sawi a, infiammi te chu theihtawp chhuaha ke pen turin a chah bawk.
    Serchhip Bukpui-a Synthetic Tennis Court hawnna hun hi Er. H. Malsawma, EE, P&E, Serchhip Power Division chuan kaihruaiin Serchhip District Tennis Association hruaitute leh khawtlang hruaitute pawhin thu an sawi bawk. Mizoram a Synthetic Tennis Court hmasa ber ni tura hawn tak hi Serchhip Bukpui-a P&E Department ramchhunga awm a ni a, a hmaa Tennis Court pakhat awm \hin chu siam\hain Tennis Court hi pahnih a awm a, zan lamah pawh inkhelh theih turin Eng \ha tak vuah a ni bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn