Mizoram MLA leh Synod hruaitute inkawm. MLTP Act-1995 kenkawh \hat Kohhran in thlawp.

Chief Minister Pu Lal Thanhawla chuan politics leh kohhran hi ringtute zingah chuan lak hran theih a ni lova, inpuitawn leh inchawm-tawna kal tur an ni, a ti. 

He thu hi Mizoram Legislative Assembly Member-te leh Synod Executive Committee Member te nimin a JM Lloyd Hall, Synod office, Aizawl-a an inkawmna ah sawiin Chief Minister Pu Lal Thanhawla chuan Politics leh Kohhran chu inpuitawn leh inchawmtawna kal tur a nih thu sawiin, politics inlumlet a dikloh chuan Kohhran tan pawh kal a harsa a, politics hian ram hmasawnna, remna leh muanna, ei leh bar zawnna kawng tinreng bakah kohhran leh khawtlang nun thlengin a nghawng vek a ni, a ti a. Ringtu za a za inti te zingah sorkar hmalakna ti\huanawp khawpa compensation diklo hmuh tum tam tak an awm \hin chu pawi a tih zia sawiin,  Pathian in ringtute mawhphurhna hrang hrang min pek leh min dahna hmun apiangah rinawm taka thawka, ram leh midangte tana malsawmna nih kan tum \heuh tur a ni, a ti bawk. He hunah hian Assembly Speaker, Pu Hiphei pawhin Mizoram sorkarin ram hmasawnna tura hma a laknaah Mizoram kohhran lian ber Presbyterian kohhran in \awiawm a tum avangin lawmawm a tih thu a sawi bawk.
    He hunah hian Synod hruaitute chuan ram hruaitute chu Pathian ruat an ni tih Kohhran in a pawm a, ram roreltute leh kohhran hote hi Pathian hruaina zuia thawkho tur an ni, a ti a, MLA te chu hleih nei lova dik taka rorel tura ngenin ram hmasawnna hnukpui an thawhna kawngah theihtawp chhuaha bei tura sawmin, Mizoram leh Cachar inrina venhim thu ah ramri hrula chengte sahimna mai bakah, an huan lo ram venhim leh thlamuang taka an khawsak theih nan sorkar \an lak a \ul thu sawiin, MLTP Act, 1995 chungchang ah he dan kenkawh hi kohhranin a thlawp thu leh chak taka kalpui zel turin ram hruaitute an ngen tih an sawi bawk.