Mizoram-a lirthei chesual zingah Two Wheeler tam ber.

Mizoram-a lirthei chi hrang hrang zingah lirthei ke pahnih nei, Two Wheeler ten dan an bawhchhe ngun ber a, nikum 2013 chhung a Traffic Police ten dan bawhchhia an man 9458 zinga 4189 chu Two Wheeler an ni a, hei hi lirthei dan bawhchhia zawng zawng a\anga chhutin 44% a tling hial a ni.
Traffic Police chhi chhiah dan chuan lirthei dan bawhchhia hi 2013 khan 9458 an awm a, heng te hi HMV 576, LMV 2225, Bus 182, Taxi 2282, Two Wheeler 4189 leh a dang 4 te an ni a. Nikum hmasa 2012 khan lirthei dan bawhchhia 8726 an awm a, heng zingah hian Two Wheeler chu tam berin 3839 an ni. Traffic Police te hian dan bawhchhia lirthei a\ang hian kum 2013 ah Rs. 2,253,072/- leh 2012 ah Rs. 2,661,285/- an hmu a ni. Traffic Police record a\anga a lan danin nikum ah motor chetsualna (accident) \um 31 a thleng a, thi 18 awmin heng zinga 13 chu mipa niin hmeichhia 5 an awm a, Hliam 40 awmin an zinga 21 chu mipa an ni. Lirthei chesual 31 zinga atam ber 15 hi Two Wheeler an ni a, a dang hi LMV 10, 207 Truck 1, Bus 2 leh Truck 3 te an ni. Accident hi July thla ah \um 5 thlengin a tam ber a, February ah thleng a awmlo thung. Hriat theih chinah kumin 2014 chhungin Motor Accident \um 6 a thleng tawh bawk.

Popular News

Mizoram-ah Faina Hapta hman \an leh a ni

Retailer bukna diklo 3 man