Mizoram-ah MLTP Act hnuaia Liquor permit nei mi 2409 awm.

Mizoram sorkar in Mizoram-a zu khap burna dan MLTP Act 1995 zirchiang tura a ruat, Study Group of MLTP Act 1995 report-a tarlan a nih danin Mizoram-ah Liquor permit nei Civilian 178 leh Ex-servicemen 2,231 an awm.
Mizoram sorkar in MLTP Act hman mek chungchang zirchiang tura a ruat ten sorkar-a report an peka tarlan a nih dan chuan MLTP Act hnuaiah tho hian Doctor ten damdawi atan zu a chawh thei a, chutiang 'prescription' hmanga Liquor permit neite chu Mizoram-ah Civilian 178 leh Ex-servicemen 2,231 awmin Civilian te hian 'confiscated liquor' dahna, Departmental Store a\angin an lei a. Ex-Servicemen te chuan Sipai Canteen Store a\angin an lei thung a ni. MLTP Act hmang hian Security Force te hnenah Liqour Licence pek niin, tuna Licence nei mek te chu : Aizawl District-ah : (1) 457 Field Ambulance, (2) 26th AR, (3) Hqrs. CE, Project Pushpak, (4) Hqrs. 24 BRTF, Seling Tlangnuam; (5) DIG, SHQ BSF, Durtlang; (6) 173 Bn. BSF; (7) Hqrs. Mizoram Range, AR Khatla; Lunglei District-ah (1) 40th AR; (2) 96 Bn. BSF; (3) 142 Bn. BSF; Serchhip District-ah 4th AR leh Kolasib District-ah CIJW School, Vairengte; A vaiin 12 an ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai