Mizo \halaite tan hmachhawp duan zawh a ni : T. Sangkunga

Mizoram Youth Commission (MYC) Chairman, Pu T. Sangkunga, MLA chuan Mizo \halaite tan MYC in theihtawp a chhuah zel tih sawiin, Mizo \halai ten eizawnna \ha an hmuh theihna turin hmachhawp hrang hrang duanfel a nih tawh thu a sawi.
MYC Chairman Pu T. Sangkunga hian nimin khan Aizawl Press club ah thuthar thehdarhtute kawmin, MYC in Mizo \halaite tana an hmalakna hrang hrang leh an hmachhawp te a sawi a. Chief Minister remtihpuina a MYC leh Emporium Training & Consultancy Pvt. Ltd., Kolkota te ni 31.1.2014 a MoU an ziah bawhzuiin, a thawhkhatna atan - Aviation & Hotel Hospitality Management, Travel & Tourism Management, Retail Management, BDO Training-ah te Mizo \halai 120 te tan thla 6 chhunga thlawnin training programme Kolkata-ah buatsaih a ni dawn tih a sawi. Hei bakah hian Job Oriented Skill Development Mela (Skill Fest 2014, Mizoram) chu April 19-20, 2014 hian MYC leh Labour, Employment & Industrial Department nena \angkawpin buatsaih a ni dawn tih Pu T. Sangkunga chuan sawi bawkin, "He skill fest ah hian VTPs \ha leh rintlakte an lo tel dawn a, heng VTP te hian vocational training \halaite an pe a, hna an zawn sak nghal \hin," tiin, "Mizo \halaiten hna \ha tak an hmuh theih nan lo tel turin \halai a tam thei ang ber kan sawm a ni," a ti. MYC Chairman chuan International English Language Testing System (IELTS) leh Medical Examination Centre hawng tur pawhin hmalak mek a ni tih sawiin, “IDP, Gurgoan (Australia ta) hmangin kumin May thla hian IELTS test neih tum a ni a, mi 200 aia tlem lovin an beih a ngai a, hemi avang hian zirlaite chu \hahnemngai taka he test ah hian an tel a ngai a ni," a ti bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai