Latest News

Lo hal chungchanga sorkar thu zawmlo khua tlahniam.

Kum 2012-ah Mizoram-ah lo hal chungchanga sorkar thu zawmlo khaw 142 an awm laiin kum 2013-ah chuan khaw 19-ah a tlahniam.
He thu hi State Level Committee on Fire Prevention \hutkhawm niminpiaha an Chairman, Pu Lal Thanhawla, Chief Minister hova \hutkhawm ah tarlan a ni a, he \hutkhawm ah hian kum 2013 chhunga lo hal chungchanga ram tikang leh sorkar thupek zawmlo te laka hmalak dante tarlan a ni a, kum 2012 a sorkar thupek zawmlo khua 142 an awm laiin kum 2013 ah khaw 19 a a tlakhniam thu tarlan niin Sorkar thuchhuah zawmlote laka VC ten mimal chunga hma an lakdante pawh sawichhuah a ni bawk a. DC tinte chu dan tlawhchhana thupek siama dan bawhchhiate chu hrem theih an nih thu uar taka puanzar nise an ti a, LAD lamin V/C tinte hnenah lo leh huan vat te hming fel taka vawng turin khauh zawkin hriattir nise an ti bawk. Hei bakah hian he \hutkhawm a tel te hian kumin March ni 15 aia tlai lovah lo hal vek nise tiin Fire Prevention Week chu kumin February ni 21 a\anga ni 27 inkara hman nise tiin kumdanga lo tih tawh \hin angin kumin ah pawh March ni 15aia tlai lovah lo hal vek nise, hetah hian Lengpui leh a chhehvel khuaahte tlai dar 4 hmaa hal lo turin Aizawl, Kolasib leh Mamit District Bawrhsap ten VC tin hnenah hriattirna pe se an ti a, kumin ah hian kangmei chhuak thei ven \hat hna thawk \ha bik District leh Village Level-ah lawmman siam leh nise a ti bawk.

Comments

Popular News (Last 30 Days)