Labour chhungkaw hnenah \anpuina sem mek zel a ni.

Mizoram Building & Other Construction Workers Welfare Board chuan Labour an enkawl mekte hnenah an fate enkawl nan Children Educational Assistance an sem chhun-zawm mek.

Nikum 2013 chung khan Mizoram Building & Other Construction Workers Welfare Boarda inziak lut mi 19,426 te hnen ah an fate enkawl nan Children Educational Assistance hi pek niin a vaiin Rs. 408,52,300/- semchhuah a ni a, tunlai hian Mizoram chhim lamah Labour Awareness Campaign hi neih mek niin Saiha District ah mi 487, Lawngtlai District-ah mi 64 leh Lunglei District-ah mi 367 hnenah pek leh an ni bawk a, heng District pathum-a sum sem zawng zawng hi Rs. 33,50,000/- a ni. Heng bakah hian Medical Assistant mi 71 hnen ah pek tawh niin mithi 20 te Rs. 10,000/- a ral niin heng zinga 2 chu an hnathawh na hmuna thi an nih vangin Rs. 25,000/- in ral an ni. Mizoram Building & other Construction Workers Welfare Board chuan tunah hian Labour an enkawl te hnena \anpuina an la pek hmabak Mizoram hmun hrang hranga sem tura ruahman chu Rs. 44,04,000/- niin, hei hi mi 1201 hnenah pek tur a ni.