Kumin atana RSBY leh MSHCS hnuaia inziahluhna hun buatsaih leh \an mek a ni.

Kum 2014-2015 atana Rashtriya Swasthya Bima Yojana  (RSBY) leh Mizoram State Health Care Scheme (MSHCS) hnuaia inziah luhna kumin bik tana hmasa ber chu nimin khan Aizawl-a Govt. Complex, Luang-mual-ah neih a ni. 
Heng Scheme-a inziahluhna hunah hian Health Minister Pu Lal Thanzara chuan heng ruahmanna pahnih chu thil inang nih mahse thil hran ve ve ni chungin thil kalkawp leh hmankawp thei anih thusawiin, heng scheme in a huamchin mitin te chu hemi chungchang ngaihvena inziaklut turin a ngen nghal bawk a. Heng sorkar hmalakna te hi harsa, mi chanhai leh sorkar-a MR bill thei lo te tan thil hmantlak, damloh nikhua a innghahna tlak a nih thu sawiin, a hunbi chung a inziahluh a pawimawh avangin in hmakhua lawkna chang hria a inziaklut ngeia heng hriselna chungchanga sorkar ruahmanna chu ngaipawimawh leh hmang \angkai turin mipuite chu a sawm a, RSBY leh Healthcare Scheme hman kawp dan chu \henawm state te pawhin an rawn zir thu leh Meghalaya chuan Mizoram kalpui dan chu an rawn entawm chho ve mek thu Minister hian a sawi bawk a ni.
    RSBY hi Central sorkar ruahmanna niin kum 2010 a\ang khan \an in Health & Family Welfare Department in an kalpui mek a, Registration Fee Rs. 30/- chawiin an inziahluh theih a, chhungkaw pakhat tan kum khatah Damdawi In inenkawlna Rs. 30,000 thleng a thlawin sorkar-in a tum sak \hin a ni. Mizoram State Health Care Scheme (MSHCS) hi kum 2008 a\ang kalpui \an tawh niin hei hi State sorkar ruahmanna a ni a, he scheme hian RSBY BPL leh APL (MGNREGA Job Card neite leh Street vendor te) leh APL pangngai, sorkar hnathawk lo emaw thawk emaw, State leh Central sorkar a\anga MR bill thei lo zawng zawngte huam vekin Chhungkua member 5 chin tan Rs. 500-a in register-in cheng nuai khat thleng a bill theih a, Rs. 750-a in register-in cheng cheng nuai hnih leh Rs. 1000-a in register-in cheng nuai thum thleng a bill theih a, chhungkaw member panga aia tam naah chuan member pakhat zelah cheng 100, cheng 200 leh cheng 300 te pek belhin cheng nuai khat, cheng nuai hnih leh cheng nuai thum te a bill theih a ni. MSHCS hian natna khirh tak tak Cancer, lung lampang, zunkawng bakah a vaiin natna hrang 120 a huam a ni.

Popular News

Mizoram-ah Faina Hapta hman \an leh a ni

Retailer bukna diklo 3 man