Kum 2013-ah damdawi hmansual vangin Mizoram-ah mi 36 thi.

Mizoram Excise & Narcotics Department in an chhinchhiah danin nikum 2013 chhung khan Mizoram-ah damdawi hmangsual vanga thi mi 36 an awm a, an zinga 27 chu mipa niin a dang mi 9 te chu hmeichhia an ni.

Nikum 2013 chhung a damdawi hmang-sual vanga thi tam ber te hi khuh damdawi, Cataspa, Respira D etc. hmangsual an ni a, heng damdawi hrang hrang vanga thi te hi mi 18 an tling. Spasmo Proxy-von leh Parvon Spas hmangsual vanga thi mi 12 awm bawkin, Heroine vanga thi mi 6 an awm bawk. Mizoram Excise & Narcotics Department chhin-chhiah danin, kumin 2014 chhung hian damdawi hmangsual vanga thi mi 5 awm leh tawhin, an vai hian mipa vek an ni a, Heroine vanga thi 2, Proxyvon/Parvon Spas vanga thi 2 bakah damdawi dang hmangsual vanga thi 1 an ni.
    Record hmuh theih china alan danin kum 1984 a\anga kumin 2014 thleng hian Mizoram-ah damdawi hmangsual vanga thi 1282 an awm tawh a, an zinga 1146 te chu mipa niin, a dang 136 te chu hmeichhia an ni. Hemi hun chhung hian Parvon Spas/Spasmo Proxyvon chu thihpui tamber niin, mi 1145 in an thih pui a, Heroine thih pui mi 96 awm bawkin, damdawi dang (khuh damdawi, Cataspa, Respira D etc) hmansual vanga thi mi 41 an awm tling bawk. Excise & Narcotics Department chhinchhiah danin, Mizoram-a damdawi hmangsual vanga thihna thlen nasat hunlai ber chu kum 2000 a\anga kum 2004 (kum 5 chhung) inkar chhung kha niin, hemi kum 5 chhung chauh hian damdawi hmang sual vanga thi Mizoram-ah mi 611 zet an awm. Kum 1984 - 2014 ah Mizoram-ah damdawi hmangsual vanga thi mi 1282 an tling tawh a ni.