Kum 14 chhungin Human Trafficking-ah mi 21 chhanchhuak.

Kum 2000 a\anga kumin 2014 inkar chhung hian Human Trafficking (Mihring hmanga sumdawnna) tuartu mi 21 Mizoram Police ten an chhanchhuak a, heng zinga 12 te chu Aizawl District chhunga khawsa an ni.
Kum 2000 a\anga kumin inkar, kum 14 chhung hian Saiha District chhunga awmte zingah Human Trafficking tuar an awm lo a, Lunglei, Lawngtlai-ah te mi pakhat ve ve awmin buaina an tawh hnu ah chhanchhuah an ni a, Serchhip District leh Champhai District-ah mi pahnih ve ve chhanchhuah an ni a, Kolasib District-ah pawh Human Trafficking tuartu mi 4 te chu chhanchhuah vek an ni bawk. Kum 2000 khan Human Trafficking case-ah hian Mizoram Police ten mi 2 chhanchhuah an nei a, kum 2001 ah mi 2 vek chhanchhuakin, kum 2002 ah mi 1 chhanchhuah an nei leh bawk. Kum 2003-ah case ziahluh a awmlo a, kum 2004 leh kum 2005 ah mi 4 ve ve chhanchhuah niin, kum 2006 leh 2007 ah thubuai ziahluh a awm lova, kum 2008 leh 2009 ah mi 1 ve ve chhanchhuah an awm a, kum 2010 ah mi 2 chhanchhuah niin, kum 2011 ah mi 3, kum 2012 ah mi 1 chhanchhuah an ni a, nikum 2013 chhung khan thubuai ziahluh a awm lo a, kumin 2014 kan hman mek tawh chinah pawh Human Trafficking thubuai ziahluh ala awm lo niin thudawn a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai