Khawvel hmundangte rualin World Cancer Day hman a ni.

Nimin Feb. 4, 2014 kha World Cancer Day atan hman a ni a, he Ni pual hian Aizawl Vanapa Hall-ah pawh inkhawm neih niin he hun hi Health Minister, Pu Lal Thanzara chuan a hmanpui a ni.
He hunah hian Health Minister, Pu Lal Thanzara chuan mihring awm zat chhuta India rama Cancer tamna ber kan ni te, khawvel ah pawh cancer \henkhatah chuan a sang ber pawl kan ni thei te chu World Cancer kan hman a\ang hian kan ngaihtuah zui a, kan vei zui a pawimawh tak zet a ni, a ti a, National Programme on Prevention and Control of Cancer, Diabetes, Cardiovascular Diseases and Stroke (NPCDCS) katlanga Mizoram-a Cancer in enkawlna awmchhun-Mizoram State Cancer Institute, Zemabawk chu ‘Tertiary Cancer Care Centre’ ah hlankaia vbc. 45 sengin tih changtlun tum anih thu leh tunlai hmanrua \ha ber ber hmanga doctor te’n research an tih theihna tur ‘Multidisciplinary Research Unit (MRU) cheng vbc. 5 man Falkawn Hospital ah din anih tur thu leh Mizoram in Medical College kan neih theih nan chak taka hma lak zel anih thu te leh 2015-16 ah chuan MBBS admission tih tan theih ngei beisei anih thu te a sawi bawk. He hunah hian Cancer lamah mithiam Dr. Jeremy L. Pautu, Medical Oncologist chuan kumina World Cancer Day thupui ‘Ngaihdan Dik lo dah bo ang’ tih thupui hmangin thu a sawi bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai