Hunpui-ah Halpuah leh halmawi khap zui zel rel

Mizoram sorkar chuan Krismas leh Kumthar vuakveta halpuah leh puak thei chi dang hal khapna chu kenkawh chhunzawm zel \ha tiin, sorkar buatsaiha halmawi hal chu chhunzawm tawh loh nise an ti bawk.

Nimin tlai khan Home Minister, Pu R. Lalzirliana hovin a Office Chamber-ah Police, Home Department, DC, Fire & Emergency Services leh Central YMA hotute chuan sorkar huaihawta kum 2013 krismas leh 2014 kumthar hman dan thlirletna an nei a. Meeting chuan heng hunpuia halpuah leh puak thei chi dang hal khapna chu kenkawh chhunzawm zel \ha tiin, sorkar buatsaiha halmawi hal chu chhunzawm tawhloh nise an tih bakah concert chu neih chhunzawm nise an ti a. Veng /kawtthler chei chungchang pawh sawihovin a thei apiangin mahni remchan leh phak tawk anga chei chhunzawm zel ni se tiin an rel bakah Sorkar department, kawngpui dunga office building nei te pawhin heng hunpuiah hian chei \hin tura ngen nise tiin rel a ni bawk a, Veng \henkhat ten mi \hahnemngai te inphalna zara mawi tak taka an Veng leh kawtthler an cheimawi \hin chu lawmawm tiin he Meeting ah hian sorkar-in a hriatpuina leh lawmthu sawi nan heng Vengte hnenah hian lawmpuina thilpek Home Minister hian a hlan nghal bawk a a, lawmman pakhatna chu Ramhlun Veng in dawngin Bung-kawn YMA in pahnihna leh Chanmari Branch K|P in pathumna te an dawng bawk a ni.