Hnam hnufual leh tlem zawkte sorkar in a ngaihtuah reng tih Mizoram Governor in a sawi.

Mizoram Larsap, Pu Vakkom B. Purushothaman chuan hnam hnufual leh hnam tlem zawkte hi sorkar chuan a ngaihven reng a, hmasawnna an neih theih nan theihtawp a chhuah reng a ni, a ti.
Mizoram Larsap Pu Vakkom B. Purushothaman hian nimin khan Helicopter hmanga Saiha tlawhin amah lo lawmna inkhawm MADC Complex, Saiha-a neih ah he thu hi a sawi a, MADC Chief Executive Member, Pu RT. Zachono kaihhruai he hunah hian Larsap chuan India ram State dang te aia Mizoram in hmasawnna ropui tak a neih chu Zirna hi a ni tiin, District Council hrang hrang hruaitu te pawh Aizawl ah kokhawm in harsatna an tawh hrang te leh an hmachhawp mek te pawh khunkhan taka sawipui bakah an harsatna tawhte chu sutkianpui ngei a tum thu a sawi bawk. He hunah hian Pu R.T.Zachono, CEM, MADC pawhin thu sawiin hnam hnufualte leh hnam tlem zawkte dinhmun hrechiang tur leh an harsatna te a hmun ngeia Governor in enfiah chu lawmawm a tih thu sawiin, Mara ram tan chuan Ni chhinchhiah tlak a ni, a ti a, MADC aiawhin Governor hi Darkhuang a hlan bawk.
    Governor hian nimin vek khan tlawmngaipawl hrang hrang hruaitute, Chanchin thar thehdarhtute leh Department hrang hrang hotute Circuit House Conference Hall, Saiha-ah a kawm nghal a, an mamawh leh harsatna hrang hrang a hnena an thlente chu theihtawp a lo bawhzui a tiam a ni. Governor hi Saiha-ah cham rihin Ningani khian Lawngtlai panin a chhuak leh ang.

Popular News

Mizoram-ah Faina Hapta hman \an leh a ni

Retailer bukna diklo 3 man