District Council-a bye-election neih tur thlirlawk.

Nimin khan Chief Secretary Pi. L. Tochhong, State Election Commissioner ni bawk hovin State Election Commission Office-a Autonomous District Council pathum hnuaia MDC bial pali ruak a By-Election neih dan tur chungchang an sawiho a, By-Election tana inpuahchah lawkna hrang hrang an thlirho a ni.
He hunah hian Pu H. Darzika, Secretary, State Election Commission leh SEC hotu dangte leh sorkar mi pawimawh te telin MDC bial 4-a By-Election neih hun tur chu MP Election 2014 leh LADC hnuaia VC Election neih hun turte thlir leh ngaituah chungin By-Election chu MP Election neih zawh hnuah neih nise tiin an rel a, by-election atana EVM mamawh chungchangte; inthlanna senso chungchangte; inthlanna bik chungchangah LADC dan hmanlai siam\hat chungchang te pawh sawiho niin Model Code of Conduct bu leh Presiding Officer te tana inkhaihhruiana bu SEC-in a siam chu an thlirho bawk a ni. By-Election neihna tur MDC bial te chu MADC hnuaia Tuipang-II MDC bial; LADC hnuaia Lawngtlai Bazar leh Tuithumhnar MDC bialte leh CADC hnuaia Borapansury-II bial te an ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai