Cheng vbc. 12-a Serchhip-a Eklavia Residential School sak mek SWD Minister in a tlawh.

Cheng vbc. 12 senga Serchhip Kawlri-a Eklavia Residential School sak hna thawh mek chu nimin khan Social Welfare Minister, Pu PC. Lalthanliana chuan tlawhin hnathawh kalmek te a enfiah.
Serchhip Kawlri-a Eklavia Residential School sak hna thawh mek a enna ah hian Pu PC. Lalthanliana chuan hetianga thingtlang mirethei zawk ten zirna \ha an dawn theihna tura hmalak a ni chu lawmawm a tih thu sawiin, he School hi mirethei ten an chhawr ngei a beisei thu leh tuna hnathawh kal mek te chu \ha thawkhata a hriat thu a sawi a. He hna thawk mektu te chu ram ro an siam a ni tih hriaa an hnathawh te \ha taka zofel turin a chah a. Helai hmuna hnathawktute chuan Electric thlunluh vek a nih laia Eng an la pe theilo leh a kalpawhna kawng la \halo bakah Tui lakna mumal la awmlo chu an harsatna tawh a nih thu sawiin, helai hmuna hnathawh viltu PWD Project Division-a hotute chu Minister chuan a theih anga kawng zawn pui turin a ngen a, hnathawktute pawh Fur lo thleng turah hnathawh a khaihlak lohna tura an hmanraw mamawh te lo chhekkhawl tur leh Fur avanga hnathawh chawlhsan a nih lohna tura lo inbuatsaih turin a ngen a. He School building hi sak zawh a nih hunah chuan School pawh mumal taka kalpui nghal theih a beisei thu Minister chuan a sawi a, a bulhnaia ram la awmah Park siam dan ngaihtuahin hmalak zui nise \ha a tih thu a sawi bawk a ni.
    Eklavia Residential School hi Ministry of Tribal Affairs sum cheng nuai 12 hmangin Serchhip khawchhung a\anga KM 4 vela hla, Serchhip khaw hmunhlui, Kawlri ah sak mek a ni a, tunah hian 1st Phase thawh mek niin hetah hian Administrative Building, School Building Block-I bakah Boys & Girls Hostel Block-I ve ve leh Type-I, II leh III Quarters te sak mek a ni a, hei bakah hian Internal Road leh Electric lakna tur pawh hetah hian telin Contractor 8 ten hna an thawk mek a, 1st Phase hi  thla 18 chhunga zawhfel hman tura ruahman niin he hna enkawltu, PWD Project Division-III chuan huntiam ah hian an zawhfel hman an beisei thu an sawi a. Hetiang School hi Lunglei-ah sak tawh niin Serchhip hi Mizoram-a a 2-na a ni a, hei bakah hian District dang pathum-ah pawh sak leh tum a ni a. Zirlai naupang 100 awm theihna tura ruahman niin he School-a lut te chu Hostel-ah awm vekin an mamawh zawng zawngte chu sorkar in a tum sak vek dawn a. He School enkawl hna hi District Bawrhsap kaihhruaina hnuaiah Managing Committee in an thawk dawn a ni. Nimin a helai hmun tlawhtu Pu PC. Lalthanliana, Minister hi Pi B. Lalhmangaihi, CDPO, Serchhip ICDS Project leh Pu R. Zirsangliana, SDO bakah Pu C. Lalzarliana, JE PWD Project Division-III ami ten an lo dawngsawng a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn