Bualpui ‘N’ in dan lova awmte chhuak turin hriattir.

Bualpui ‘N’ khawtlang chuan an ramchhunga dan lova khaw din tumte chhuak tura hriattirin Feb. 20, 2014 thlengin hun an pe. Bualpui North All NGO Jt. Committee chuan an khaw ramchhunga dan lova khaw din tum ni a an hriat Thinglubul ram a khawsa  chhungkaw 47 te chu tun thla February 20 hma ngeia an awmna hmun chhuahsan turin an hriattir a, huntiam an pek chhunga heng mite hi an chhuak lo a nih chuan an In leh lo te \hiah sak turin, khawtlang inpunkhawmin hnatlanga thawhchhuah an tum niin an sawi.
Bualpui North All NGO Jt. Committee hruaitut chuan an khaw ramchhung Thinglubul rama kuthnathawk a khawsa te hi kum 3 vel kalta a\anga khawsa tawh an ni tih sawiin, kuthnathawka khawsa an nih avangin an lo bengkhawn ngai vaklo a, nimahsela tunhnaiah khaw din tum ang deuh a hmalakna an nei tih an hriat avangin, nikum November 14 khan Bualpui khawtlang hruaitute hian a hmun-ah kalin an enfiah a, hemi tum hian lehkha pe in inbiakna neihpui turin an hriattir a, hemi hnu hian Thinglubul ram a khawsa te hian engmah sawizui an neih loh avangin kar kalta January ni 30 khan Bualpui North Jt. Action Committee hruaitute hi Thinglubul ram-ah hian kal leh in, February 20, 2014 hma ngeia an awmna hmun chhuahsan turin hriattirna an pe ta a ni.
    Thudawnna in a sawi danin, Thinglubl ram a khawsa kuthnathawktute hi Oil Palm ching an ni tlangpui a, \anpuina pawh Kolasib Agriculture Office a\anga pek an ni a, hemi chungchang-ah hian Bualpui North Jt. Action Committee hruaitute chuan heng \anpuina an dawn pawh hi titawp turin Kolasib Agriculture Officer pawh an ngen tawh bawk. Hetihlai hian Thinglubul ram khawsa te hian nizan hmasa khan Bualpui North VCP chu a chenna In ah hmu in thil awmdan an sawipui a, hemi chungchangah inbiakna neih chhoh zel an tum dawn niin thudawnna chuan a sawi.

Popular News

Mizoram-ah Faina Hapta hman \an leh a ni

Retailer bukna diklo 3 man