Biate khua ah Thingpui Kut hman a ni.

Biate khua chuan Zirtawpni kalta khan ‘Thingpui Kut’ an hmang a, he hun hi UD&PA Minister, Pu Zodintluanga chuan a hmanpui a ni.
Biate khua hian an Lal Kairuma fapa tlangchang, Thangchuanga hmalakna in kum 1918 bawr chho a\ang khan thingpui chin an lo buaipui \an tawh a. Kum 1935 ah mi tam zawkin thingpui an chin theih na turin Biate khaw hnuai dai Halzawl mual chu thingpui huan atan bigha khat vel \heuhvin \heh a ni a, kum 1943-ah Tuilut mual chu \heh zui leh a ni a. Kum 1995-a NLUP kalpui a nih khan chhungkaw 325 ten Thingpui chin hi thlangin Thingpui herna te thlengin din tum a ni a, amaherawh chu harsatna avanga chhunzawm theihloha awmin Thingpui hmun tam zawk chu enkawl lohin a awm zui a ni. Kum 2011 khan Mizoram sorkar chuan NLUP hnuaia Biate-a Thingpui chin hi tharthawh lehin chhungkaw 115 ten an ching leh a, mimal hmalakna in Thingpui herna khawl Samuel Tea Factory chu din a ni bawk a, Mizoram sorkar chuan hemi atan hian a pung awm lovin NLUP a\angin cheng nuai 57 chu a pung awm lovin a puktir bawk a, tunah hian chak taka hmalak mek niin Biate Tea Planters Society Ltd. mumal tak indinin member 325 an awm a, heng zinga 172 te chu Tea Board of India hnuaiah registered member an ni tawh nghe nghe a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai