Aizawl-a New Market building sak\hat dan tur enho.

Nimin zing khan Aizawl New Market chu Trade & Commerce Minister Pu H. Rohluna leh Finance Minister Pu Lalsawta bakah Parliamentary Secretary, Pu Joseph Lalhimpuia te chuan tlawhin Sa Dawr-cum-Seconhand Building \hiah leh sak \hat dan turte chu Architect-te leh Consultant-te nen chipchiar takin an en ho.
Aizawl New Market-a Sa Dawr Building sak nan hian North Eastern Council (NEC) ahcheng vbc. 13 senna tur Detailed Project Report (DPR) thehluh niin, chak taka bawhzui a nih avangin hmuh ngei beisei a ni. Trade & Commerce Department Minister hian New Market Building dangte pawh Master Plan zulzuia changkang taka sak tum anih tur thu a sawi a. Finance Minister chuan 14th Finance Commission atangin Market sak nan hian Rs. 75.00 crores senna tur Concept Paper thehluh tur niin, hmuh theih ngei a beisei thu a sawi bawk. He New Market Master Plan-ah hian Motor Parking tha te, Bawlhhlawh paihna mumal zawkte leh Building chhawng tinah Rualbanlo-te kal theihna tur Rammed siam vek a nih tur thu Minister te hian an sawi bawk. Aizawl New Market hi Aug. 1, 1965 khan din niin tunah hian Marketing Inspector pahnih hnuaiah thawktu mi 35 in an enkawl mek a, tuna an \hiah tur Sa dawr building hi kum 1988-a sak kha niin Sangha zuartu mi 543, Vawksa zuar mi 20 leh Bawngsa zuar mi 48 techu sawnchhuah an lo ni tawh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai