Aizawl-a Bomb tipuaktute ngawrh taka chhui zui an ni.

January ni 30, 2014 zana Aizawl-a Assembly House bul, Treasury Square Bazar-a bomb tipuaktute chu ngawrh taka chhui mek an ni a, nimin thleng khan he thila inhnamhnawih emaw, rinhlelh man emaw an la awm lo.
Jan. 30, 2014 zan dar 10:55 khan Aizawl Treasury Square Bazar, Assembly House leh I&PR office inkarah bomb hi puakin chawhmeh zua rte inphona tam tak a chhiat bakah, office tukverh darthlalang a keh nasa hle a, vanneihthlak takin mihring thi leh hliam an awm lo hlauh a ni. He bomb puak hi gelatine a nih rin a ni a, Assembly House, I&PR Office, Printing & Stationery office, Aizawl Press Club leh PAMRA office tukverh darthlalang a tikeh nasa hle a, Assembly House Driver room bang tile pawh a keh nasa hle bawk. Bomb puak hi Treasury Bazar chawhmeh zuarte inphona-a puak niin a lang a, chawhmeh zuarte inphona chung leh chhuat pawh bomb puak hian a tichhe nual a ni.
    He bomb puak chungchangah hian Home Minister R Lalzirliana chuan, “He thil thleng hi tute tih pawh nise, sorkar beihnaah ka ngai a,” tiin, khawtual mite tih a nih a rin phal loh thu leh, Mizoram remna leh muanna tihchhiat duh zawnga che an ni ang em tih ngaihdan a neih thu a sawi a. Sorkarin hetianga mipui tiralkhela pawi khawihtute chu sorkar in a chhui ngei dawn tih a sawi a. Aizawl SP, LR Dingliana chuan bomb puak chungchanga inhnamhnawih leh rinhlelh man emaw an la nei lo tih a sawi bawk. Central YMA President Lalbiakzuala chuan, hetianga mipui ti ral\i zawnga tharum thawha chetna a thleng chu pawi a tih thu sawiin, “Tun hnuah chuan hetianga tharum thawha chetna hi thleng nawn leh tawh lo se ka duh khawp mai,” a ti bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn