14th Finance Commission Member ten Zankhat riakin Mizoram an rawn tlawh mek.

/
Zankhat riak a Mizoram sum mamawh te zirchiang turin 14th Finance Commission Member te chuan nimin khan Aizawl an rawn thleng a, Vawiin ah Chief Minister leh sorkar mi pawimawh te an kawm ang.
Mizoram sum mamawh te zirchiang tur a lo kal 14th Finance Commission member te hi an Chairman, Dr. Y.V. Reddy chuan rawn hovin Finance Minister Pu Lalsawta, Parliamentary Secretary Pu KS. Thanga leh Chief Secretary Pi L. Tochhawng ten Lengpui Airfield-ah an lo dawngsawng a. Finance Minister Pu Lalsawta chuan Mizoram rawn tlawhtu 14th Finance Commission Member te chu Mizoram mipuiten beiseina sang tak nen an lo kal an chan thu alo hrilh a, 14th Finance Commission Chairman Dr. YV. Reddy pawhin Mizoram an cham chhungin harsatna leh mamawh state-in a neihte chu hriat a zirchian an duh thu leh, a theih anga hmalak an tum thu a sawi bawk.
    Finance Commission hotute lo kal hian nimin tlai khan Assembly Conference Hall ah khawtlang hruaitute, Political Party aiawh leh Trade and Industries lama sumdawng aiawh leh Tlawmngai pawlte an kawm a, Local Bodies te hian Project hrang hrang mamawh an thehlut a, heng zingah hian Sinlung Development Council in Rs. 3,98,28,000/- senna tur Project te, MADC in cheng vbc. 200 hu senna tur te, CADC in cheng vbc. 370 hu te, LADC in cheng vbc. 172 hu leh AMC in cheng vbc. 473 hu te a ni a, Aizawl City Local Council pawhin Local Council House 82 sakna tur bakah Thlanmual In 82 sakna tur cheng vbc. 20.05 project thehlut in, Zarkawt Local Council chuan YMA Recreation Centre sakna tur Project an lo thehlut bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »