14th Finance Commission hnenah Mizoram mamawh cheng vbc. 50,000 hu vel dil tum a ni.

Finance Commission 14-na-in Mizoram an rawn tlawh hunah Mizoram hmasawnna hna thawhna tur leh mamawh dang chi hrang hrang cheng vaibelchhe 50,000 bawr vel hu lo dil tum a ni. 
Tunhnai khan Chief Minister Pu Lal Thanhawla hovin Aizawl-a Secretariat Conference Hall-ah 14th Finance Commission of India-a Member ten tun thla ni 26 leh 27-a Mizoram an rawn tlawh huna Mizoram mamawh chi hrang hrang sorkar in a lo thehluh turte thlirlawkna leh siam\hatna hun hman a ni a, hemi chungchangah hian Finance Secretary Pu F. Vanlalruata chuan Chief Minister hova hemi chungchang an sawihona a\angin department \henkhatin rawtna thar siam belh tur an neih te chu Thawhlehni thlenga thehluhna hun hawn sak an ni a, hemi hnu-ah hian Mizoram in Finance Commission hnena a dil tur zat chiah chu a hriat theih dawn chauh niin a sawi a. Mizoram sorkarin Finance Commission hnena thehluh tura a ruahman zingah hian thil thar engemawzat a awm a, chu’ng zingah chuan eirukna do pawl Lokayukta dinna leh enkawl zuina senso atan cheng vbc. 122.21 ruahmanna a tel a. Chubakah chuan Autonomous District Council 3 te inenkawlna tur cheng vbc. 1,850.66 bakah tualchhung sorkar - Municipal Council leh Village Council te tana senso tur ruahmannate leh District thar te tih puitlinna tur te a tel bawk a ni.
    Heng bakah hian 14th Finance Commission-a thil pawimawh thehluh tur zingah hian Mizoram a kawngpui dung 5160 km zinga 2940 km Alkatra luan sa leh 2220km black topping la tih loh te leh sorkar Insak sa te leh hmunhma 6,19,500 sq.m a zau te kum 5 chhunga enkawl nan cheng vbc. 500 ruahmanna, State Disaster Response and Management din tak enkawlna tur sum ruahmanna te, hnaruak hnawh-khah ngai, hnathar lak tur, Contract a sorkarah chhawrte leh Muster Roll a sorkar in a chhawr mek te tinghehna tura ruahmanna siamte chu a pawimawh zual deuh te an ni. 14th Finance Commission te hian State 18 an tlawh tawh a, February 26 hian Mizoram a Local Bodies aiawhtute, Political Party hruaitute leh Trade Association hrang hrang hruaitute an kawm kawmin Feb. 27 hian Chief Minister leh a Cabinet Minister te leh sorkar hotulu te an kawm bawk ang.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai