Tuikuk hel nia rin ten an rukbo an chhuah tak te lawmna leh thla hualna Aizawl-ah neih a ni.

Nov. ni 23, 2013-a Tuikuk misual ten an rukbo an chhuah leh tak Mizo pahnih te chu nimin khan Aizawl thlenpui an ni a, chawhnu dar 1-ah Vanapa Hall kawtah anmahni lawmna leh an thla hualna hun hman a ni.
    Tuikuk hel nia hriat ten an rukbo, Sanglianthanga leh Lalzamliana te hi a rubotu ten ni 60 zet an hren hnuah niminpiah a Bangladesh leh Mizoram inrina, Silsury thlenpui an nih hnuin nizan hmasa khan Mamit-ah riahpui an ni a, nimin khan Aizawl panpui niin kawnglak ah pawl hrang hrangin an lo hmuak a, hemi hnu hian MZP huaihawtin Aizawl Vanapa Hall kawt-ah anmahni lawmna leh an thla hualna hun hi hman zui a ni. He hunah hian Home Minister Pu R. Lalzirliana chuan inrukbo thu a Lim inhal sak leh chawnghei a innawr te chu a Mizo lo tih sawiin, mipuite chu sorkar ring ngam turin a chah a, Hnamdang te tihdan \halo Mizoram-a sengluh chu kan \anrualna tichhe thei a ni tih a sawi bawk.
    Hei bakah hian Home Minister chuan tunhnuah pawh hetiang boruak a thleng leh a nih chuan mipuite chu sorkar ring ngam tawh turin a chah a, sorkar in a thiltum a hlenlo a nih chuan mipuite penchhuah \ul hun pawh ala awm thei a, chutih rual chuan mipuite duhdan chu sorkar in a hria tih sawiin, heng mite chhuah an nih chhan chu Kohhran hote \awng\ai chhanna a ni tih a sawi bawk. He hunah hian rukbo zing ami, Pu Lalzam-liana pawhin thu sawiin sawrkar leh Mizoram mipui ten an chhuah theihna tura an hmalakna te chu lawmawm a tih thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai