Serchhip Police Station-ah thubuai ziahluh a pung

Nkum hmasa (kum 2012) aiin nikum 2013 khan Serchhip Police Station-ah thubuai ziahluh a tam zawk.
Serchhip Police Station-ah hian nikum hmasa 2012 khan Case ziahluh (registered) 68 a awm a, kum liamta nikum 2013 khan Case registered zawng zawng chu kum 2012 aia 6 a tamin Case register zawng zawng chu 74 a ni a, heng bakah hian MLTP Act hnuaia zu avanga buaina siam Non-FIR case 6 awmin Hnamdang phalna nei lova Mizoram-a rawn lut te manna \hin, EB&FR Case 3 a awm bawk. Serchhip Police Station-a Case ziahluh 74 zingah hian rukruk leh inrawk case chu a tam ber niin case 28 a awm a heng bakah hian Pawngsual case 3 awmin Tualthah case 2, Molestation 5, Motor Accident avanga nunna chan ah Case 3 ziahluh niin, nunna chan lohna case 2 a awm a, mi tihnat avanga thubuai ziahluh 4 awmin, mi In-a lutru case 1 leh inpuh hmingchhiatna, Defamation Case 1 a awm bawk. Damdawi ruihtheih thil chung-changah ND&PS Act-ah thubuai ziahluh 1 awmin MLTP Act hnuaiah thubuai 2 ziahluh a awm a, Silai leh ralthuam lam thubuai ziahluh 1 awmin, mi vau avanga thubuai ziah luh, Criminal Intimidation case 2 a awm a, Police Duty tih-buai avanga thubuai ziahluh 1 awmin Attempt to Culpable homicide pa 1 a awm bawk a, Police hrenlai tlanchhuah a vanga case siam sak 1 a awm bawk. Nikum 2013 chhung khan Unnatural Death (Thihdan pangai lo a thi) Case pa 9 Serchhip Police Station ah ziahluh a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai