Serchhip District Photo Electoral Roll-ah Vote nei thei mi 45,406 an awm.

Kumin January ni 1-a kum 18 tling chin te laa Photo Electoral Roll siam nimin a tlangzarh takah Serchhip District pumah vote nei mi 45,406 awmin E. Roll hmasa aiin vote nei mi 535 in an tam zawk.
Kumin January ni 1-a kum 18 tling chin te laa Photo Electoral Roll siam thar hi nimin khan Serchhip District Election Officer leh District Bawrhsap ni bawk, Pi Juhi Mukherjee chuan a Office-ah a tlangzarh a. He Electoral Roll-ah hian Serchhip District pumah vote nei thei mipa 22,363 leh hmeichhia 23,043 awmin vote nei thei zawng zawng hi mi 45,406 an ni a, Draft Electoral Roll aiin vote nei thei hi mi 535 a tam zawkin vote nei thei punna hi 1.19% a ni. Tun \uma Electoral Roll Special Revision neih ah hian Serchhip District pumah Electoral Roll-a inthunthar dil mi 1463 awmin heng zinga 1403 te chu pawmin Roll-ah hian thun thar an ni a, Electoral Roll a\anga inpaih dilna 956 lutin heng zinga 868 te chu pawmin heng mite hi Electoral Roll a\ang hian paih an ni bawk a ni. Serchhip District puma Assembly bial pathum awm zingah 26-Serchhip (ST) chu vote nei thei tamna ber niin vote nei thei mipa 7761 leh hmeichhia 8322, an vaiin mi 16,083 an awm a, vote nei thei punna hi 1.11 a ni a, 27-Tuikum (ST) ah vote nei thei mipa 7224 leh hmeichhia 7296, an vaiin mi 14,520 an awm a, vote nei thei punna hi 1.86% a ni a, 28-Hrangturzo (ST) ah vote nei thei mipa 7378 leh hmeichhia 7425, an vaiin 14,803 awmin vote nei thei punna hi 0.63% a ni. Final Roll a Voters te Age Group hrang hrang zingah kum 20-29 inkar tam berin 15,013 (20.1%) an ni a, kum 80 chunglam tlem berin 485 (9.65%) an awm bawk.
    District Election Officer chuan hun chep tak kara Electoral Roll Special Summary Revision hlawhtling taka peihfel anih theih nana rim taka thawktu BLO, AERO, ERO, Tlawmngai pawl hrang hrangte, Political Party hrang hrangte leh thuthar thehdarhtu te chungah lawmthu a sawi a, Voters zinga hmeichhia an tam zawk chu lawmawm a tih thu leh Election Commission of India pawhin hmeichhe voter te enroll tam chu a thupui pakhat anih thu a sawi a ni. Election Officer Pu Lalhmansanga, MCS pawhin Electoral Roll thar chu fimkhur taka siam anih thu leh Roll hmasa a kum dik lo awm zawng zawng pawh siam\hat anih thu a sawi a, voters punna in beisei a phak loh chhan chu kum 18 tling thar an tlem vang anih thu a sawi bawk. Form 6 hmanga Roll a hming thun dil; an dilna hnawl sak te chu Hearing neih laia an kal loh avang leh‘Photo Electoral Roll’ anih tawh avanga an thla lak a ngaih si vangte, Document felfailo leh kumtlinglo Roll a thun dil an awm nual vang niin a sawi bawk a ni. Electoral Roll-a in thun thar duh tan leh siam\hat ngai lai te siam\ha duh tan Lok Sabha Inthlan lo awm tur a Nomination File hun tawp ni thleng Continuous Updation a tih theih reng a nih thu he hunah hian tarlan a ni a, Serchhip District chhunga Electoral Roll-a hming chuang zawng zawngte hi EPIC (Electoral Photo Identity Card) pek vek an ni tawh bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn