Latest News

Serchhip-ah Sa man bithliah tharin Sa man tihsan a ni!!

Serchhip Town Rate & Wages Control Committee chu nimin khan \hukhawmin Serchhip-a Sa hralhna man hrang hrang an bithliah a, thla 6 (ruk) danah ennawn leh \hin tur a ni ang.
Serchhip Town Rate & Wages Control Committee \hutkhawm hi Serchhip DC’s Meeting Room-ah an Chairman, District Bawrhsap Pi Juhi Mukherjee hova neih a ni a, he hunah hian Serchhip Sazuar Association ten Sa hralhna man chi hrang hrang ennawn sak tura an ngenna chu thlirin Vawksa Kg. khat zelah Rs. 250/-, Bawngsa a Thin Kg. khat zelah Rs. 300/-, a Ti hlang Rs. 280/- leh a ruh Rs. 230/- nise tiin Ar puahsa Kg. khat zelah Rs. 200/- leh puahloh Rs. 170/- bakah Phai Sangha Kg. khat zelah Rs. 200/- nise an ti a. District Bawrhsap in thuchhuah a siam leh hma chuan he rate hi tih danglam phal ni lovin thla 6 (ruk) danah ennawn leh \hin tura tih a ni.
    He \hutkhawm ah hian District Bawrhsap chuan sa rate hi Tlawmngai Pawl hrang hrang te, Village Council aiawhte leh Sazuar Association ten lungrual tlang taka an siam anih avangin ngaihpawimawh a \ul thu leh dan zawm \ha duhlo te chu an chunga thuneitu ten a \ul dana hma an lak theih nan hrilh hre zung zung turin mipuite leh tlawmngai pawl te a ngen a, mipuite hmakhua ngaia thutlukna hi siam a nih thu leh khauh taka he rate hi kalpui tur a nih thu a sawi bawk. Rate thar hi VC leh YMA Branch hrang hrang leh Sub-Hqrs. ah te pek a ni dawn a; YMA Branch tinah Public Information Centre a\angin mipui te hnenah puanzar ani bawk anga, Bazar sa talhna hmunah Notice Board siama mipuite hmuhtheih tura tarchhuah a ni dawn bawk a ni.

Comments

Popular News (Last 30 Days)