Republic Day inbuatsaihna thlirho

Nimin chawhnu dar 2:00 khan Serchhip District Bawrhsap Pi Juhi Mukherjee, IAS, hovin DC’s Meeting Room-ah Serchhip a Department hrang hrang leh tlawmngai pawl hrang hrang aiawhten Republic Day, 2014 Serchhip-a hman tur atana inpuahchahna te an thlirho.
Ruahman lawk ang chuan Serchhip-a Republic Day lawmna inkhawm hi Leisekawt Field, P&E Veng, Serchhip a neih tur niin, kumin Republic Day hi Pathianni anih avangin inkhawm tibuailo tur zawnga ruahmanna siam a ni a, January ni 26, 2014 zing dar 7:30 ah \anin District Bawrhsap Pi Juhi Mukherjee, IAS chu khuallian a ni ang. Republic Day-ah hian zing ni chhuah rualin sorkar pisa zawng zawngah India Hnam Puanzar khai vek tur a ni a, January ni 25, 2014 (Inrinni) ah JN Hospital (Poor Fund), Salvation Army Old Age Home, Lalchhungkua Orphanage Home, Zoar Deprived Children’s Home, Adult Rehabilitation Centre leh Shalom Special School ah te Republic Day lawmna thilpek sem a ni ang. Republic Day lawmna ah hian Parade Contingent 5 (Armed-1, Unarmed-4) an tel ang a, lawmman sem ani bawk ang. Republic Day lawm tura kal naupang ho zawng zawng hnenah chithlum sem tur a nih bakah mi pawimawh sawm bik te pualin chawhnu dar 3:00 ah DC Bungalow ah DC’s at Home neih ani bawk ang. He \hutkhawm ah hian  District Bawrhsap chuan Department hrang hrangte inbuat-saihna leh inpekna avangin lawmthu a sawi a, Republic Day hlawhtling taka lawm anih theih nan theihtawp chhuah \heuh turin a ngen bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn